वसंतराव नाईक मराठवाडा कृषि
विद्यापीठातील परभणी कृषि महाविद्यालयात परभणी शहर महानगर पालिकेचे वतीने स्वच्छता
अॅप कार्यशाळेचे आयोजन दिनांक ३१ डिसेंबर रोजी करण्यात आले होते. कार्यक्रमाच्या
अध्यक्षस्थानी प्राचार्य डॉ डि एन गोखले हे होते तर सहाय्यक आयुक्त विजया घाडगे
यांची प्रमुख उपस्थिती होती. कार्यक्रमात सहाय्यक आयुक्त विजया घाडगे यांनी स्वच्छता
अॅपबाबत मार्गदर्शन करून अॅपचे जास्तीत जास्त महाविद्यालयीन विद्यार्थ्यींनी
डाऊनलोड करून शहर स्वच्छते अभियानात सहभाग घेण्याचे आवाहन केले. अध्यक्षीय
भाषणात प्राचार्य डॉ डि एन गोखले म्हणाले की, कृषि महाविद्यालयाचे विद्यार्थ्यी
सामाजिक कार्यात नेहमीच अग्रेसर असतात, परभणी शहर स्वच्छता अभियानात आपला हातभार
लावुन सामाजिक बांधिलकी जपावी, असा सल्ला त्यांनी दिला. कार्यक्रमात अरशद शेख यांनी
स्वच्छता अॅपबाबत सविस्तर सादरिकरण केले. कार्यक्रमाचे सुत्रसंचालक विभाग
प्रमुख डॉ बाबासाहेब ठोंबरे यांनी केले तर आभार प्रदर्शन डॉ के डि नवगिरे यांनी
केले. कार्यक्रमास महाविद्यालयातील विद्यार्थी- विद्यार्थीनी मोठया संख्येने
उपस्थित होते.
