Wednesday, July 5, 2017

विद्यापीठ शास्‍त्रज्ञा डॉ पपीता गौरखेडे (पाथरीकर) यांना “युवा शास्त्रज्ञ-२०१७” पुरस्कार

आंतरराष्ट्रीय उष्‍णकटिबंधीय कृषी नियतकालीकाव्‍दारे ऋषिकेश (उत्तराखंड) येथे दि २४-२५ जुन दरम्‍यान पार पडलेल्‍या ५ व्या आंतरराष्ट्रीय कृषी, उद्यानविद्या व वनस्पतीशास्त्र परिषदेत “युवा शास्त्रज्ञ-२०१७” पुरस्काराने वसंतराव नाईक मराठवाडा कृषि विद्यापीठातील मृद विज्ञान व कृषी रसायनशास्त्र विभागाच्‍या शास्‍त्रज्ञा डॉ पपीता हिरामनजी गौरखेडे (पाथरीकर) यांना सन्मानित करण्यात आले. सदरील परिषदेसाठी विविध राज्यातून आलेल्या शास्त्रज्ञांनी सहभाग नोंदवुन विविध तांत्रिक सत्रांमध्ये शोधनिबंध सादर केले. डॉ पपीता गौरखेडे यांनी “विद्राव्य ग्लुकोनेटेड खतांचे कापसावरील फवारणीचे निष्कर्ष” यावरील शोधनिबंध सादर केला होतो. याबाबत सदरील पुरस्कार शिमला येथील भारतीय कृषि अुनसंधान परिषदेचे मुख्‍य शास्‍त्रज्ञ  डॉ. अरुण शुक्ला व परिषदेचे आयोजक डॉ. विजय झा यांच्या हस्ते प्रदान करण्यात आला. याबाबत कुलसचिव डॉ. विलास पाटील, डॉ. सय्यद ईस्माईल, डॉ. अनिल धमक, डॉ. महेश देशमुख, डॉ. सुरेश वाईकर, प्रा. प्रभाकर अडसूळ, प्रा. अनिल मोरे, डॉ. स्वाती झाडे, प्रा. गजभिये, डॉ. सदाशिव आडकिणे व सर्व कर्मचाऱ्यांनी अभिनंदन केले.