गृहविज्ञान महाविद्यालयात महात्मा गांधी जयंती निमित्त स्वच्छता अभियान

वसंतराव नाईक मराठवाडा कृषी विद्यापीठातील गृहविज्ञान महाविदयालयाच्या राष्ट्रीय सेवा योजना व जीमखाना यांच्या संयुक्त विद्यमाने दिनांक २ ऑक्‍टोबर रोजी महात्मा गांधी व लालबहादुर शास्त्री यांच्या जयंती साजरी करण्‍यात आली. जयंती निमित्‍त महाविद्यालयाच्‍या परिसरात स्‍वच्‍छता अभियान राबविण्‍यात आली. महाविद्यालयाचे प्राध्यापकवृंद, कर्मचारी व विद्यार्थी आदींनी परिसर स्वच्छ करून स्वच्छतेची शपथ घेण्यात आली. प्राचार्या प्रा विशाला पटणम यांनी महात्‍मा गांधी व लालबहाद्दुर शास्‍त्री यांच्‍या प्रतिमेस पूष्पहार अर्पण करुन वंदन केले तर "वैष्णव जनतो" ही प्रार्थना म्‍हणण्‍यात आली. यानिमित्‍त विदयार्थ्यांसाठी फान्‍टवॉक स्पर्धेचे आयोजन करण्‍यात आले होते, यात सोनाली हिगंणे हीने प्रथम, गिताजंली फोफसे हीने व्दितीय तर ज्ञानेश्वरी गडदे यांनी तृतीय क्रमांक पटकावला. कार्यक्रम यशस्‍वीतेसाठी राष्ट्रीय सेवा योजनेच्या कार्यकाम अधिकारी प्रा. निता गायकवाड, स्वंयसेवक व कर्मचारी आदींनी परिश्रम घेतले.