वसंतराव नाईक
मराठवाडा कृषि विद्यापीठातील गृहविज्ञान महाविद्यालयाच्या राष्ट्रीय सेवा योजना कार्यक्रमांतर्गत मौ. परळगव्हाण (ता. जि. परभणी)
येथे विशेष शिबीराचे आयोजन या विशेष शिबीरांतर्गत महिला, युवक आणि बालकांच्या विकास व कल्याण हा उद्देश ठेऊन विविध उपक्रम राबविले गेले. शिबिरात रासेयोच्‍य स्वयंसेवकांनी बालविवाह निर्मुलन, हुंडाबंदी यावर लघुनाटिका सादर केल्या, तसेच गृहविज्ञान तंत्रज्ञानाशी निगडीत पुस्तकाचे प्रदर्शन मांडण्‍यात आले. या निमित्ताने ग्रामीण बालके आणि युवकांच्या वाढांक आणि संपादन वृध्दिंगत करण्यासाठी कुटुंबियांची भुमिका, कौटुंबिक वस्त्रांची निवड आणि निगा, बालकांच्या आरोग्यासाठी दैनंदिन आहार, बालक व युवकांसाठी वेळ व कार्याचे व्यवस्थापन आदी विषयांवर तंज्ञांनी मार्गदर्शन केले. शिबीराच्या उद्घाटन प्रसंगी प्राचार्या प्रा. विशाला पटनम, उपसरपंच श्रीमती
रोहिणी शिंदे, जिजाऊ महिला बचत गटाच्या अध्यक्षा श्रीमती छाया शिंदे, रासेयो कार्यक्रम अधिकारी डॉ. अनुराधा लाड आदींची प्रमुख उपस्थिती होती. प्रा. विशाला पटनम, डॉ सुनिता काळे, डॉ. विजया नलावडे, डॉ. जयश्री रोडगे आदींनी विविध विषयांवर ग्रामस्थांना मार्गदर्शन केले. सदरिल शिबीरातील मार्गदर्शन अतिशय उपयुक्त असल्याचे मनोगत ग्रामस्थांनी व्यक्त केले. विशेष शिबीर यशस्वीतेसाठी रासेयोच्या स्वयंसेवकांनी परिश्रम घेतले.