वसंतराव नाईक मराठवाडा कृषी विद्यापीठातील परभणी कृषी
महाविद्यालयाच्या वतीने ग्रामीण कृषी कार्यानुभव अंतर्गत एकात्मिक शेती पद्धती
संशोधन केंद्र येथे कार्यरत असलेले कृषीदूतांनी मौजे पारवा ता. परभणी येथे दि. ५
जुलै रोजी जनावरांच्या लसीकरणाचे आयोजन केले होते. कार्यक्रमास सरपंच श्री.
मुंजाजी तारडे, पशुवैद्यकीय अधिकारी डॉ. एम. पी. माने, डॉ. बैनवाड, डॉ. ए. एम. भोसले आदींची प्रमुख
उपस्थिती होती. डॉ. एम. पी. माने यांनी जनावरांचे लसीकरण केले तर डॉ. बैनवाड यांनी शेतकऱ्यांना लसीकरणाचे महत्व विशद केले.
यावेळी गावातील १२९
म्हैशी, ३४ गाई व ११ शेळ्या असे एकुण १७४ जनावरांचे घटसर्प व फऱ्या या रोगासाठीचे
लसीकरण करण्यात आले. कार्यक्रमास प्रगतशील शेतकरी पांडुरंग काकडे, बाळासाहेब जाधव, प्रल्हाद भेटकार, किशन जाधव, गौतम मेहेदे आदीसह मोठया संख्येने
शेतकऱ्यांनी सहभाग नोंदवला. कार्यक्रमाचे सूत्रसंचालन श्याम जगन्नाथ थोरे यांनी
केले तर आभार प्रदर्शन डॉ. भोसले यांनी केले.