वसंतराव
नाईक मराठवाडा कृषि विद्यापीठात राष्ट्रीय कृषी उच्च शिक्षण प्रकल्प, नवी दिल्ली व
जागतिक बँक पुरस्‍कृत नाहेप प्रकल्‍पांतर्गत दिनांक दिनांक 24 मे ते 4 जुन दरम्यान
“हायड्रॉलिक्स
आणि न्‍युमॅटिक कार्यप्रणालीचा कृषि क्षेत्रात वापर” या विषयावर ऑनलाईन प्रशिक्षण
आयोजन कृषि पदवी व पदव्युत्तर विद्यार्थी, प्राध्यापक तसेच विद्यापीठ शास्त्रज्ञ
यांच्याकरिता करण्‍यात आले आहे. प्रशिक्षणाचे आयोजन कुलगुरू मा. डॉ. अशोक ढवण व
शिक्षण संचालक डॉ. धर्मराज गोखले यांच्‍या
मार्गदर्शनखाली आयोजन करण्‍यात असुन प्रशिक्षणांत
मुंबई येथील एसएमसी इंटरनेशनल प्रा. लि. श्री. वासूदेव गाडगीळ, प्रा. एस. बी.
लहाने आणि औरंगाबाद येथील छत्रपती शाहू आभियांत्रीकी महाविद्यालयाचे प्रा. व्हि.
वाय. गोसावी हे मार्गदर्शन करणार आहेत. दिनांक 24 मे रोजी प्रशिक्षणाचे उदघाटन नाहेप
प्रकल्‍पाचे प्रमुख अन्‍वेषक डॉ, गोपाळ शिंदे व एसएमसी इंटरनेशनल प्रा. लि.
मुंबईचे वरीष्ठ प्रबंधक श्री. वासूदेव गाडगीळ यांच्‍या प्रमुख उपस्थित झाले.
यावेळी
श्री. वासुदेव गाडगीळ मार्गदर्शनात म्‍हणाले की, कृषि क्षेत्रात उत्‍पादकता
वाढीसाठी आधुनिक तंत्रज्ञानाचा वापर आवश्‍यक असुन हायड्रॉलिक्स आणि न्‍युमॅटिक तंत्रज्ञानाचा
वापर प्रत्‍यक्ष कृषि क्षेत्रात स्‍वयंचलीत यंत्रणा व कृषि प्रक्रिया उद्योगात
मोठया प्रमाणावर करता येऊ शकतो असे त्‍यांनी
सांगितले. कार्यक्रमात डॉ. गोपाळ शिंदे यांनी प्रशिक्षणार्थ्यांना नाहेपच्या विविध
योजना व प्रशिक्षणाबद्दल मार्गदर्शन केले.
कार्यक्रमाचे सुत्रसंचालन डॉ. नरेंद्र खत्री यांनी केले तसेच कार्यक्रमाचे आभार डॉ. अनिकेत वाईकर यांनी मानले. कार्यक्रमाच्या यशस्वीतेसाठी आयोजन सचिव डॉ. नरेंद्र खत्री, डॉ. अनिकेत वाईकर, डॉ. शिवराज शिंदे, डॉ. अविनाश काकडे, इंजी. रवीकुमार कल्लोजी, श्री. रामदास शिंपले व मुक्ता शिंदे आदींनी परिश्रम घेतले. प्रशिक्षणात देशभरातून पदव्युत्तर व आचार्य पदवीधारक, प्राध्यापक, शास्त्रज्ञ यांनी सहभाग नोंदविला आहे.