वसंतराव नाईक मराठवाडा कृषि विद्यापीठातील ज्वार संशोधन केंद्र व अखिल भारतीय समन्‍वयीत ज्वार सुधार प्रकल्‍प, हैद्राबाद यांच्‍या संयुक्‍त विद्यमाने मौजे उमरी (ता. जि. परभणी) येथे दिनांक १५ जून रोजी आद्यरेषीय पिक प्रात्‍यक्षिक कार्यक्रम अंतर्गत विद्यापीठ विकसित ज्वारीचा परभणी शक्ति या वाण चे बियाणे, बीजप्रक्रियेसाठी गौचू, बुरशीजन्य रोगाच्या प्रतिबंधासाठी ट्रायकोडर्मा पावडर चे वाटप करण्यात आले.
कार्यक्रमाच्‍या अध्‍यक्षस्‍थानी
गावातील तंटामुक्ती समिती अध्यक्ष श्री सुदामराव गोरे हे होते तर प्रमुख पाहुणे म्‍हणुन
ज्वार संशोधन केंद्राचे प्रभारी अधिकारी डॉ. के. आर. कांबळे हे होते. यावेळी सरपंच श्री प्रकाशराव गोरे, श्री रघुनाथराव माने, डॉ एल एन जावळे, डॉ
व्ही एम घोळवे, प्रितम भुतडा, आदीची उ‍पस्थिती होती.
यावेळी मार्गदर्शनात डॉ. के. आर. कांबळे म्हणाले कि,
ज्वारीला दुहेरी महत्व असुन मनुष्‍यासाठी धान्‍याचे व जनावरांसाठी कडब्‍याचे
उत्‍पादन मिळते. विद्यापीठ विकसित ज्वारी वाण परभणी शक्ती मध्‍ये जस्‍त व लोहचे प्रमाण
जास्‍त असल्‍यामुळे रक्‍ताची कमतरता असणा-या व्‍यक्‍तीकरिता या वाणाची भाकरी उपयुक्‍त
आहे.
डॉ एल एन जावळे यांनी आहारातील
ज्‍वारीच्‍या भाकरीचे पोषणाच्‍या दृष्‍टीने महत्व सांगुन परभणी शक्ती या वाणचे महत्व
व वैशिष्ट्य सांगितले तर डॉ व्ही एम घोळवे यांनी ज्वारीवरील रोग व्‍यवस्‍थापन आणि ज्वारी
काळी पाडण्यावर नियंत्रणाकरिता ट्रायकोडर्मा पावडर वापर तसेच बीजप्रक्रिया याची माहिती
दिली.
प्रास्‍ताविकात प्रितम भुतडा
यांनी ज्वारी लागवड तंत्रज्ञानाबाबत माहिती दिली तर सरपंच श्री प्रकाशराव गोरे यांनी
विद्यापीठ शास्‍त्रज्ञांचे आभार मानले.
सदरिल कार्यक्रम संचालक संशोधन डॉ दत्तप्रसाद वासकर यांच्‍या मार्गदर्शना खाली घेण्यात आला. कार्यक्रमात निवडक २५ शेकतकर्यांना परभणी शक्ती ज्वारीचा वाण ची बॅग, बीजप्रक्रियेसाठी गौचू आणि बुरशीजन्य रोगाच्या प्रतिबंधासाठी ट्रायकोडर्मा पावडर आदींची मान्यवरांच्या हस्ते वाटप करण्यात आले, कार्यक्रमास मधुकर गोरे, माणिक कावरे, शेख मस्तान शेख, गंगाधर माने, सचिन कांबळे आदीसह गावातील शेतकरी बांधव उपस्थित होते.