वसंतराव नाईक मराठवाडा कृषि विद्यापीठातील विद्यार्थ्यी कल्याण अधिकारी कार्यालयाच्या वतीने दिनांक २१ जुन रोजी जागतिक योग दिन साजरा करण्यात आला. कार्यक्रमाच्या अध्यक्षस्थानी कुलगुरू मा डॉ अशोक ढवण हे होते तर शिक्षण संचालक डॉ. धर्मराज गोखले, विस्तार शिक्षण संचालक डॉ देवराव देवसरकर, कुलसचिव डॉ धीरज कदम, प्राचार्य डॉ. सय्यद ईस्माईल, प्राचार्य डॉ जयश्री झेंड, प्राचार्य डॉ उदय खोडके, विद्यार्थी कल्याण अधिकारी डॉ महेश देशमुख आदींची प्रमुख उपस्थिती होती.
यावेळी मागदर्शनात कुलगुरू मा डॉ अशोक ढवण म्हणाले की, योग ही भारतीय प्राचीन संस्कृतीचा
हिस्सा असुन व्यक्तीचे आरोग्य व मन सुध्दढ राहण्यासाठी प्रत्येकांनी योग व प्राणायाम
करणे गरजेचे आहे.
याप्रसंगी योगशिक्षक प्रा. दिवाकर जोशी व श्री सामाले यांच्यासह आर्ट ऑफ लिव्हिंगचे प्रशिक्षकांच्या मार्गदर्शना नुसार विविध आसन, प्राणायाम आदीचे सामुदायिकरित्या प्रात्यक्षिके करण्यात आली. कार्यक्रमाचे प्रास्ताविक विद्यार्थी कल्याण अधिकारी डॉ महेश देशमुख यांनी केले तर सुत्रसंचालन श्री अशोक खिल्लारे यांनी केले. कार्यक्रमात विद्यापीठातील अधिकारी व कर्मचारी यांनी सहभाग घेतला.
