वसंतराव नाईक मराठवाडा कृषि विद्यापीठातील संकरित गो पैदास प्रकल्प येथे दिनांक ३ जुन रोजी गांडुळखत निर्मिती प्रकल्पाचे उदघाटन कुलगुरू मा डॉ अशोक ढवण यांच्या हस्ते करण्यात आले. यावेळी संशोधन संचालक डॉ दत्तप्रसाद वासकर, विभाग प्रमुख डॉ गजेंद्र लोंढे, डॉ हिराकांत काळपांडे, डॉ महेश देशमुख, डॉ दिनेशसिंह चौहान आदींची उपस्थिती होती. याप्रसंगी कुलगुरू मा डॉ अशोक ढवण यांनी जमिनीची सुपिकता वाढीकरिता गांडुळ खतांचे अनन्य साधारण महत्व असल्याचे नमुद करून गायीच्या शेणापासुन उत्पादीत दर्जेदार गांडुळ खत निर्मितीबाबत प्रकल्पातील अधिकारी व कर्मचारी यांचे कौतुक केले. सदरिल गायीच्या शेणापासुन उत्पादीत गांडुळ खत अत्यल्प दरात उपलब्ध असुन संपर्कासाठी श्री आशिष अंभोरे (मोबाईल क्र ९९२२३३०९६६) यांच्याशी संपर्क साधावा.