वसंतराव
नाईक मराठवाडा कृषी विद्यापीठाचे शिक्षण संचालक तथा अधिष्ठाता डॉ धर्मराज गोखले यांना
राज्य व राष्ट्रीय पातळीवर केलेल्या कृषि
संशोधन, विस्तार व शिक्षण क्षेत्रातील कार्याबाबत राष्ट्रीय पातळीवरील प्रतिष्ठित
असा भारतीय कृषि विद्या संस्थेचे आयएसए फेलो पुरस्काराने नुकतेच हैद्राबाद येथे गौरविण्यात
आले. प्रोफेसर जयशंकर तेलंगना राज्य कृषि विद्यापीठ, राजेंद्रनगर हैदराबाद येथे दिनांक
23 ते 27 दरम्यान पार पडलेल्या पाचव्या आंतरराष्ट्रीय कृषिविद्या परिषदेमध्ये कुलगुरू
मा. डॉ. व्ही. प्रवीण राव, राणी लक्ष्मीबाई केंद्रीय विद्यापीठाचे कुलगुरू मा डॉ पंजाब
सिंग, अमेरिकास्थित पिक विज्ञान संस्थेचे अध्यक्ष मा. डॉ पी. व्ही. वराप्रसाद, वनामकृविचे
कुलगुरू मा. डॉ. अशोक ढवण, अकोला येथील पंजाबराव देशमुख कृषि विद्यापीठाचे कुलगुरू
मा डॉ. व्ही एम भाले, अमेरीकास्थित आंतरराष्ट्रीय तण विद्यान संस्थेचे अध्यक्ष मा. डॉ समुंदर सिंग यांच्या हस्ते प्रदान
करण्यात आला. डॉ. धर्मराज गोखले यांनी मागील 30 वर्षामध्ये केलेल्या कृषि संशोधन,
विस्तार कार्य व कृषि शिक्षण कार्यातील योगदाना बद्दल हा पुरस्कार प्रदान करण्यात
आला.
