वसंतराव नाईक मराठवाडा कृषि विद्यापीठांतर्गत असलेल्या औरंगाबाद येथील कृषि तंत्र विद्यालयात दिनांक २३ डिसेंबर रोजी क्वेस कॉर्प लिमिटेड या बहुराष्ट्रीय कंपनीकडुन परिसर मुलाखती घेण्यात आल्या. सदरिल कंपनी व्दारे विविध खासगी कंपन्यासाठी विविध पदाकरिता नौकर भरती केली जाते. मुलाखतीत औरंगाबाद कृषि तंत्र विद्यालयातील कृषि तंत्र पदविकाधारक ७१ विद्यार्थींनीनी सहभाग नोंदवीला, यापैकी ६० विद्यार्थींनीची निवड असेंम्बली ऑपरेटर या पदावर कंपनी व्दारे करण्यात आली. मुलाखती क्वेस कॉर्प लिमिटेडचे एचआर प्रमुख श्री आतिशसिंग व श्री सुधाकरराव जिम्से यांनी घेतल्या, यावेळी विद्यालयाचे प्राचार्य डॉ के टी जाधव यांनी विशेष मार्गदर्शन केले तर विद्यालयातील श्रीमती झोटे, श्री हातागळे, श्री मुळे आदींनी सहकार्य केले. या निवडी बद्दल कुलगुरू मा डॉ अशोक ढवण व सहयोगी अधिष्ठाता (निम्न शिक्षण) डॉ देवराव देवसरकर यांनी अभिनंदन केले.