वसंतराव नाईक मराठवाडा कृषि विद्यापीठातील रेशीम संशोधन योजना व परभणी आत्मा (कृषि विभाग) यांच्या संयुक्त विद्यमाने दिनांक २८ जानेवारी रोजी मौजे पाळोदी (ता.मानवत) येथे तुती रेशीम उद्योग प्रात्यक्षिक व प्रशिक्षण कार्यक्रम संपन्न झाला. कार्यक्रमाच्या अध्यक्षस्थानी सरपंचा सौ. रंजनाताई सुरज काकडे या होत्या तर प्रमुख पाहुणे म्हणून मानवत मंडळ कृषि अधिकारी श्री.रघुवीर नाईक, महाराष्ट्र ग्रामीण बँकेचे माजी व्यवस्थापक श्री. डि.डि. भिसे, अनुसंधान विस्तार केंद्र, केंद्रीय रेशीम बोर्ड परभणीचे शास्त्रज्ञ श्री. अशोक जाधव, कृषि पर्यवेक्षक सौ.जी.डब्ल्यु. रनेर, कृषि सहाय्यक सौ. एस. एल. मस्के, आत्माचे बीटीएम श्री. योगेश पवार, मुख्य मार्गदर्शक रेशीम संशोधन योजनेचे प्रभारी अधिकारी डॉ. चंद्रकांत लटपटे, वरिष्ठ संशोधन सहाय्यक श्री. धनंजय मोहोड आदींची प्रमुख उपस्थिती होते.
मार्गदर्शनात डॉ चंद्रकांत
लटपटे म्हणाले की, अधिक रेशीम कोष उत्पादनाकरिता
तुती पानाचा वाटा ३८ टक्के असून संगोपनगृहातील तापमान २२ ते २८ डि.सें.ग्रे. व
आद्रता ८० ते ८५ टक्के दरम्यान असावे, हिवाळयात संगोपनगृहात कोळश्याची शेगडी
रात्री ठेवावी व उन्हाळयात डेझर्ट कुलरचा वापर करण्याचा सल्ला त्यांनी
दिला.
कार्यक्रमास पेडगावचे रेशीम
उद्योजक शेतकरी श्री. सातव व श्री. राजेभाऊ काकडे उपस्थितत होते. कार्यक्रमास परिसरातील गावातील शेतकरी मोठया
संखेने उपस्थित होते. कार्यक्रमाचे सुत्रसंचालन श्री. केशव काकडे यांनी केले तर आभार श्री.
रामभाऊ काकडे यांनी मानले. कार्यक्रम यशस्वीतेकरता रेशीम संशोधन
योजनेचे श्री. धनंजय मोहोड, जिल्हा रेशीम कार्यालयाचे श्री.सय्यद व पाळोदी येथील शेतकरी बांधव यांनी परिश्रम घेतले.
