वसंतराव नाईक मराठवाडा कृषि विदयापीठ व आत्मा परभणी यांच्या संयुक्त विद्यमाने कीड व्यवस्थापनामध्ये ट्रायकोकार्डचा वापर व निर्मिती तंत्रज्ञान या विषयावर दिनांक 27 व 28 डिसेंबर रोजी दोन दिवसीय प्रशिक्षण कार्यक्रम कृषि तंत्रज्ञान माहिती केंद्रात संपन्न झाला. कार्यक्रमाच्या उद्घाटन प्रसंगी अध्यक्ष म्हणून मुख्य विस्तार शिक्षण अधिकारी डॉ.पी.आर.देशमुख हे होते तर आत्मा चे प्रकल्प संचालक श्री विजय लोखंडे आणि तालुका कृषि अधिकारी श्री.पठाण हे प्रमुख पाहुणे म्हणून लाभले होते. व्यासपीठावर कृषी तंत्रज्ञान माहिती केंद्राचे व्यवस्थापक डॉ. जी. डी. गडदे, कीटकशास्त्रज्ञ डॉ.डी.डी.पटाईत, डॉ.मधुमती कुलकर्णी, श्री.एम.बी.मांडगे आदी उपस्थित होते.
प्रशिक्षणात शेतकऱ्यांना प्रयोगशाळेत ट्रायकोकार्ड निर्मीतीचे प्रात्यक्षीक दाखवण्यात आले. तसेच जैविक कीड व्यवस्थापन, एकात्मिक कीड व्यवस्थापन व ट्रायकोग्रामाचे जैविक शेतीमध्ये महत्त्व याबाबत मार्गदर्शन विद्यापीठ शास्त्रज्ञ डॉ. डि. डि. पटाईत, डॉ. श्रद्धा धुरगुडे, श्री.मांडगे यांनी केले. प्रशिक्षणाच्या समारोपात प्रशिक्षणार्थी शेतक-यांनी मनोगतात ट्रायकोकार्डचा वापर व निर्मीती हा विषय अत्यंत उपयोगाचा सांगुन प्रशिक्षणात अनेक आत्मसात केल्याचे मत व्यक्त केले. तसेच विद्यापीठ हे आमच्यासाठी गुरू सारखे मार्ग दाखविण्याचे कार्य करते, अशी भावना व्यक्त केली. सहभागी शेतकऱ्यांना उपसंचालक आत्मा श्री प्रभाकर बनसावडे, डॉ.जी.डी.गडदे, डॉ.मधुमती कुलकर्णी, डॉ डि डि पटाईत यांच्या हस्ते प्रमाणपत्र वितरित करण्यात आले. प्रशिक्षण यशस्वीतेसाठी श्री.ज्ञानोबा माहोरे, श्री.दिगांबर रेंगे, श्री.नितीन मोहिते, श्री.पांडुरंग डिकळे, शेख साजीद व शेख सुलताना आदींनी परीश्रम घेतले. प्रशिक्षणाकरिता परभणी जिल्ह्यातील २७ शेतकरी सहभागी झाले होते.
.jpeg)
.jpeg)
