वसंतराव नाईक मराठवाडा कृषि
विद्यापीठाचे माननीय कुलगुरू प्रा. (डॉ.) इन्द्र मणि यांनी ९ व्या ॲग्रीव्हीजन २०२५
(AGRIVISION-2025) राष्ट्रीय अधिवेशनात “लघु भूधारक शेतकऱ्यांसाठी शेतकी
यंत्रसामग्रीतील प्रगती” या विषयावर दिनांक २६ जुलै रोजी विचारप्रवर्तक व्याख्यान
दिले. हे अधिवेशन भारतीय कृषि संशोधन परिषद (ICAR) आणि
विद्यार्थी कल्याण न्यास, भोपाळ यांच्या संयुक्त विद्यमाने
२५-२६ जुलै २०२५ रोजी नवी दिल्ली येथील भारतरत्न सी. सुब्रमणियम सभागृह, नॅशनल ॲग्रिकल्चर सायन्स कॉम्प्लेक्स (NASC) येथे
पार पडले.
“सशक्त युवा
– समृद्ध शेती : कौशल्य, नवोन्मेष आणि उद्योजकता” या संकल्पनेवर आधारित या दोन दिवसीय अधिवेशनात देशभरातील कृषि
विद्यापीठांचे शास्त्रज्ञ, अभ्यासक आणि विद्यार्थी सहभागी झाले
होते.
माननीय कुलगुरू प्रा.
(डॉ.) इन्द्र मणि यांनी आपल्या व्याख्यानात लघु आणि अल्पभूधारक शेतकऱ्यांसाठी
विभागनिहाय यांत्रिकीकरणाची आवश्यकता अधोरेखित केली. त्यांनी उर्जासक्षम अवजारे, डिजिटल
नवकल्पना आणि हवामानसहकाऱ्यांनुसार यंत्रसंगणक आधारित उपाययोजना या क्षेत्रातील
महत्त्वाच्या गरजा स्पष्ट केल्या.
शाश्वत आणि परिवर्तनशील
तंत्रज्ञानाच्या माध्यमातून ग्रामीण जीवनमान उंचावण्याची आणि शेतीला युवक केंद्रित
करण्याची गरज त्यांनी अधोरेखित केली. या पार्श्वभूमीवर, वसंतराव
नाईक मराठवाडा कृषि विद्यापीठाने शेतकऱ्यांसाठी विकसित केलेल्या यांत्रिकीकरणाच्या
उपाययोजना आणि प्रशिक्षण-आधारित उपक्रमांची माहितीही त्यांनी दिली.
तसेच, केंद्र शासनाच्या
धोरणानुसार यंत्रवापराचे मापदंड आणि मानके ठरविण्यासाठी शास्त्रज्ञांचा सहभाग असावा,
यानुसार त्यांनी ड्रोन वापराच्या मापदंड ठरविण्यात महत्त्वपूर्ण भूमिका
बजावली असल्याचे त्यांनी सांगितले.
माननीय कुलगुरू प्रा. (डॉ.) इन्द्र मणि यांच्या मार्गदर्शनाने उपस्थितांना शेतीतील आधुनिक तंत्रज्ञानाची दिशा आणि भविष्यातील शक्यता यांचा व्यापक आढावा घेता आला. कार्यक्रमास विविध कृषि विद्यापीठांतील कुलगुरू, संशोधक, विद्यार्थी आणि कृषि उद्योजक मोठ्या संख्येने उपस्थित होते.
