वसंतराव नाईक मराठवाडा कृषि विद्यापीठाच्या
सेवेतुन सन २०१३-१४ या आर्थिक वर्षात सेवानिवृत्त झालेल्या कर्मचा-यांना अनुदान
अभावी सेवानिवृत्तीनंतरचे लाभ अदा करण्यात आले नव्हते. त्यामुळे नियंत्रक
कार्यालयाने शासनाकडे सतत पाठपुरावा केल्यामुळे शासनाने दि १९ जानेवारी रोजीच्या शासन
निर्णय क्र मकृवि-१२१४/प्रक्र१०९/८-अे अन्वये सन २०१३-१४ व सन २०१४-१५ या वर्षात
सेवानिवृत्त झालेल्या कर्मचा-यांचे संपुर्ण लाभ अदा व्हावे यासाठी पुरक मागणीव्दारे
रू २२.५९
कोटी मंजुर करून विद्यापीठास वितरीत केले आहेत. ज्या सेवानिवृत्तीधारकांना
सेवानिवृत्तीचे लाभ मिळालेले नाही अशा कर्मचा-यांनी नियंत्रक कार्यालयाच्या निर्देशाप्रमाणे
आवश्यक कागदपत्रे सादर करण्यासाठी संपर्क साधावा असे आवाहन विद्यापीठाकडुन करण्यात
आले आहे.