महिला
आणि
बालकांच्या
आरोग्याबाबत
मार्गदर्शन
वसंतराव नाईक
मराठवाडा कृषि विद्यापीठातील अखिल
भारतीय समन्वयीत संशोधन प्रकल्प - गृहविज्ञान
आणि रिलायन्स फाऊंडेशन यांच्या संयुक्त विदयामाने महिला आणि बालकांच्या आरोग्याबाबत दिनांक २७ एप्रिल रोजी ऑडीओ कॉन्फरन्सव्दारे विदयापीठ शास्त्रज्ञांनी मार्गदर्शन केले. या संवादात १९ गावीतील ५९ महिलांना
सहभाग घेतला. सध्याच्या
कोरोना विषाणू रोग प्रतिबंधात्मक म्हणून लॉकडॉऊन असुन कूटुंबातील सर्वजण घरामध्येच आहे,
यामूळे महिलांना कामाचा तसेच मानसिक ताणाचा आरोग्यावर काही परीणाम होवू नये, बालकाचे आरोग्य चांगले ठेवण्यासाठी आहार कसा असावा याबाबत डॉ. तसनिम
नाहिद खान यांनी मार्गदर्शन केले, तर कोरोना पासून बचाव करण्यासाठी घरातील सुती कपडयांपासुन
मास्क बनवणे
व त्‍याचा वापर, उन्हाळयात
शरीराची निगा यावर डॉ. सुनिता
काळे यांनी महिलांशी संवाद साधला.
शेतामध्ये कामाकरिता
महिलासाठी उपयुक्‍त गृहविज्ञान
तंत्रज्ञान व कमी खर्चाचे कोरोनापासून बचावसाठी चेह-यावर लावण्याचे शिल्डबाबत डॉ. जयश्री
रोडगे यांनी मार्गदर्शन केले तर
शेतीत
काम करतांना
कोरोनापासून बचाव करण्याबाबतच्‍या
उपाययोजनेची माहिती डॉ. एस. जी. पुरी
यांनी दिली. कार्यक्रमात सहभागी महिलांनी, आपल्या घरी बसुन फोनव्दारे मुलांच्या आहार, कपडयांचा योग्य वापर, आहाराव्दारे सोयाबीनचा वापर, नवजात बालकाची व मातेची काळजी,
वैयक्‍तीक स्वच्‍छता, शेतात काम
करतांनाच्या उपाययोजना,
महिला उद्योग आदींबाबत
शास्त्रज्ञांना प्रश्न विचारले. कार्यक्रमाचे
आयोजन रिलायन्स फाऊन्डेशनचे परभणी जिल्हा व्यवस्थापण श्री विलास
सवाणे आणि कार्यक्रम सहायक श्री रामजी
राऊत यांनी केले.