प्रकल्पा अंतर्गत मराठवाडयातील मुख्य पिकांचे प्रक्षेत्र सर्वेक्षण करून कीड – रोगांबाबत दर आठवडयाला देण्यात येतो सल्ला
वसंतराव नाईक मराठवाडा कृषि विद्यापीठातील कृषि किटकशास्त्र विभाग व कृषि विभाग, महाराष्ट्र शासन यांच्या संयुक्त विद्यमाने
पिकावरील कीड-रोग सर्वेक्षण व सल्ला प्रकल्प (क्रॉपसॅप) 2020-21 अंतर्गत" परभणी जिल्हयातील कृषि
विभागातील अधिकारी व क्षेत्रीय कर्मचारी यांच्यासाठी कोविड-19 रोगाच्या
पार्श्वभुमीवर ऑनलाईन प्रशिक्षणाचे दिनांक
10 जुलै रोजी आयोजन करण्यात आले होते. प्रशिक्षण उद्घाटन कार्यक्रमाच्या अध्यक्षस्थानी विस्तार शिक्षण संचालक डॉ. देवराव देवसरकर हे होते तर क्रॉपसॅप प्रकल्प राज्यस्तरीय सकाणू समितीचे सदस्य तथा कृषि किटकशास्त्र विभाग विभाग प्रमुख डॉ. संजीव बंटेवाड, परभणी जिल्हा अधिक्षक कृषि अधिकारी श्री. संतोष आळसे, उप विभागीय कृषि अधिकारी श्री. सागर खटकाळे आदींची प्रमुख
उपस्थिती होती.
वसंतराव नाईक मराठवाडा कृषि विद्यापीठातील कृषि किटकशास्त्र विभाग व कृषि विभाग, महाराष्ट्र शासन यांच्या संयुक्त विद्यमाने पिकावरील कीड-रोग सर्वेक्षण व सल्ला प्रकल्प (क्रॉपसॅप) 2020-21 अंतर्गत" परभणी जिल्हयातील कृषि विभागातील अधिकारी व क्षेत्रीय कर्मचारी यांच्यासाठी कोविड-19 रोगाच्या पार्श्वभुमीवर ऑनलाईन प्रशिक्षणाचे दिनांक 10 जुलै रोजी आयोजन करण्यात आले होते. प्रशिक्षण उद्घाटन कार्यक्रमाच्या अध्यक्षस्थानी विस्तार शिक्षण संचालक डॉ. देवराव देवसरकर हे होते तर क्रॉपसॅप प्रकल्प राज्यस्तरीय सकाणू समितीचे सदस्य तथा कृषि किटकशास्त्र विभाग विभाग प्रमुख डॉ. संजीव बंटेवाड, परभणी जिल्हा अधिक्षक कृषि अधिकारी श्री. संतोष आळसे, उप विभागीय कृषि अधिकारी श्री. सागर खटकाळे आदींची प्रमुख उपस्थिती होती.
अध्यक्षीय मार्गदर्शनात डॉ. देवराव देवसरकर यांनी येत्या हंगामात किड रोगांचे सर्वेक्षण वेळेवर करुन विद्यापीठाव्दारे देण्यात येणारा सल्ला शेतकऱ्यांना त्वरित पोहचण्याची महत्वाची जबाबदारी कृषि विभागाच्या अधिकाऱ्यांवर असुन कपाशीतील बोंडअळी व्यवस्थापनासाठी किडींचे अचूक सर्वेक्षण करणे, तसेच कामगंध सापळयांचा प्रभावी वापर, एकात्मिक कीड व्यवस्थापन तंत्राचा शेतक-यांमधील जास्तीत जास्त अवलंब होणे गरजेचे आहे, असे मत त्यांनी व्यक्त केले.
श्री. संतोष आळसे यांनी कीड सर्वेक्षणाचे महत्व विषद करून पिकांवरील कीड - रोगांबाबत शासन अत्यंत गंभीर आहे. कृषि विभागातील सर्व कृषि सहाय्यक, कृषि पर्यवेक्षक, मंडळ कृषि अधिकारी यांनी सर्वेक्षणाचे काम जबाबदारीने द काटेकोरपणे करण्याचा सल्ला दिला. श्री.सागर खटकाळे यांनी क्रॉपसॅप प्रकल्प मार्गदर्शक सुचना व गावांची व प्लॉटची निवड याबाबत मार्गदर्शन केले.
तांत्रिक प्रशिक्षणात डॉ. संजीव बंटेवाड यांनी मका, ज्वारी पिकावरील नवीन लष्करी अळी व टोळधाड या किडींचे सर्वेक्षण व व्यवस्थापनाबाबत मार्गदर्शन केले तर उस पिकावरील हुमणी अळीचे सर्वेक्षण व व्यवस्थापनबाबत डॉ. पुरूषोत्तम झंवर, सोयाबिन पिकावरील प्रमुख किडींचे सर्वेक्षण व व्यवस्थापनाबाबत डॉ.बस्वराज भेदे, कापुस पिकावरील प्रमुख कीडींचे सर्वेक्षण व व्यवस्थापनाबाबत डॉ.अनंत बडगुजर यांनी मार्गदर्शन केले.
सदरिल प्रकल्पाच्या माध्यमातून मराठवाडयातील कापुस, सोयाबिन, तुर, मका, ज्वारी व उस या पिकाचे प्रक्षेत्रावर सर्वेक्षण करून कीड रोगांबाबतची माहिती ऑनलाईन संकलीत करून माहितीचे विश्लेषण कृषि विदयापीठाव्दारे केले जाते, त्याआधारे कीड व रोग व्यवस्थापनाबाबतचा सल्ला आठवडयातुन दोनदा संगणकीय प्रणालीव्दारे उपलब्ध करून देण्यात येते. कार्यक्रमाचे प्रास्ताविक श्री संतोष आळसे यांनी केले तर आभार तंत्र अधिकारी श्री. संदिप जगताप यांनी मानले. प्रशिक्षणासाठी जवळपास 200 पेक्षा जास्त प्रशिक्षणार्थी सहभागी झाले होते.