मौजे करंजी येथे तुती रेशीम उद्योग प्रात्याक्षिक व प्रशिक्षण कार्यक्रम संपन्न

आत्मा, कृषि विभाग व वसंतराव नाईक मराठवाडा कृषि विद्यापीठातील रेशीम संशोधन योजना यांच्या संयुक्‍त विद्यमाने दिनांक २५ फेब्रुवारी रोजी मौजे करंजी (ता. जिंतूर, जि परभणी) येथे तुती रेशीम उद्योग प्रात्यक्षिक व प्रशिक्षण कार्यक्रम संपन्न झाला. कार्यक्रमाच्‍या अध्‍यक्षस्‍थानी सरपंचा सौ. सावित्राबाई नामदेव घोगरे या होत्‍या तर उपसरपंच सौ.शोभाबाई साहेबराव भवरे, जिंतूर तालूका कृषि अधिकारी श्री. शंकर काळे, मंडळ कृषि अधिकारी श्री. किशोर शेळके, मार्गदर्शक म्हणून रेशीम संशोधन योजनेचे प्रभारी अधिकारी डॉ. चंद्रकांत लटपटे आदींची प्रमुख उपस्थिती होती.

मार्गदर्शनात श्री. शंकर काळे यांनी रेशीम किटक संगोपन साहित्य, तुती लागवड व संगोपनगृह विषयी नानासाहेब कृषि संजिवनी योजना (पोक्रा) अंतर्गत पुर्व सहमती घेवून शेतक­यांना तुती लागवडीचे आवाहन केले तसेच पोक्रा योजने अंतर्गत विविध उपक्रमाची माहिती दिली. तर डॉ. सी. बी. लटपटे यांनी शेतक­यांनी आपल्या शेतात पटटा पध्दत तुती लागवड करण्यासाठी कमी खर्चात तुती रोपवाटीका तयार करण्याबददलचे मार्गदर्शन केले.

सुत्रसंचालन बीटीएम आत्मा श्री. सुनिल अंभुरे यांनी केले तर आभार कृषि सहाय्यक श्री. संतोष मावंदे (कृषि सहाय्यक) यांनी मानले. कार्यक्रमास पन्‍नास पेक्षा जास्‍त शेतकरी बांधव उपस्थित होते. कार्यक्रम यशस्वीतेसाठी श्री सी.बी.देशमुख, श्री धनंजय मोहोड, माजी सरपंच श्री. श्रीरंगराव लांडगे, श्री. प्रल्हाद घोगरे, श्री. देविदास लांडगे आदीसह गावातील शेतक­यांनी परीश्रम घेतले.