महाराष्ट्र राज्य अनुसुचित जाती - जमाती आयोगाचे अध्यक्ष मा. श्री. ज. मो. अभ्यंकर यांनी दिनांक २५ मार्च रोजी वसंतराव नाईक मराठवाडा कृषी विद्यापीठातील जागतिक बॅक पुरस्कृत राष्ट्रीय कृषि उच्च शिक्षण प्रकल्प - नाहेप प्रकल्पास सदिच्छा भेट देऊन विविध उपक्रमाची पाहणी केली. यावेळी विद्यापीठाचे कुलगुरु मा. डॉ. अशोक ढवण यांनी त्यांचे स्वागत केले. भेटी प्रसंगी प्रकल्पाचे मुख्य अन्वेषक डॉ. गोपाळ शिंदे यांनी प्रकल्पातील आंतरराष्ट्रीय दर्जेचे चालु असलेल्या डिजिटल शेती संशोधन व तंत्रज्ञानाची प्रात्याक्षिकासह माहिती दिली. प्रकल्पातील कृषि यंत्रमानव, ड्रोन स्वंयचित यंत्र आदिंच्या डिजीटल तंत्रज्ञानाचा शेतीतील वापराबाबत त्यांनी माहिती जाणुन घेतली. प्रकल्पात चालु असलेल्या संशोधनात्मक कामाबाबात त्यांनी प्रशंसा केली. यावेळी त्यांच्यासोबत आयोगाचे सदस्य मा. श्री. आर. डि. शिंदे, सदस्य मा. श्री. के. आर. मेडे, जनसंपर्क अधिकारी श्री रमेश शिंदे, कुलसचिव डॉ. धिरजकुमार कदम, जनसंपर्क अधिकारी डॉ. प्रविण कापसे, सहाय्यक कुलसचिव श्री. एच. ए. हिवराळे, आदींची प्रमुख उपस्थिती होती.
नाहेप प्रकल्पातील शास्त्रज्ञ व कर्मचारी इंजि. खेमचंद कापगाते, डॉ. अविनाश काकडे, डॉ. हेमंत रोकडे, इंजि. धम्मज्योती पिपंळेकर, डॉ. श्रवेता सोळंके, इंजि. संजीवनी कानवटे, प्रदिप मोकाशे, मुक्ता शिंदे, रामदास शिपंले, जगदीश माने, गंगाधर जाधव आणि मारोती रणेर आदींनी प्रकल्पातील विविध उपक्रमाबाबत माहिती दिली.
