वसंतराव नाईक मराठवाडा कृषि विद्यापीठातील सामुदायिक विज्ञान महाविद्यालयाच्या अन्न विज्ञान व पोषण विभागाच्या वतीने दिनांक १६ ऑक्टोबर रोजी जागतिक अन्न दिन साजरा करण्यात आला. यानिमित्ताने ‘पोषण शास्त्र विषयक’ प्रदर्शनाचे आयोजन करण्यात आले होते. प्रदर्शनाचे उद्घाटन महाविद्यालयाच्या प्रभारी प्राचार्या डॉ. जया बंगाळे यांच्या शुभ हस्ते करण्यात आले तर कार्यक्रमास माजी विभाग प्रमुख डॉ. आशा आर्य प्रमुख पाहुण्या म्हणून उपस्थित होत्या. प्रदर्शनात पोषण व आहाराविषयी माहिती फलके, पौष्टिक पदार्थ, उपचारात्मक पदार्थ, संरक्षित पदार्थ ठेवण्यात आले होते. वजन कमी करण्याकरिता विशेष पदार्थ तयार करण्यात आले. कोरोणा विषयक सर्व बाबी लक्षात ठेवून सामाजिक अंतर राखून महाविद्यालयातील कर्मचायांची आरोग्य तपासणी करण्यात आली, यात रक्तदाब तपासणी, रक्तशर्करा तपासणी, वजन आणि उंची घेऊन बीएमआई काढून देण्यात आले. कार्यक्रमाच्या आयोजनासाठी विभाग प्रमुख डॉ. तसनीम नाहीद खान, डॉ. फारोखी फरजाना, श्रीमती जोत्स्ना नेर्लेकर आदींनी परिश्रम घेतले.