वसंतराव नाईक मराठवाडा कृषि विद्यापीठातील संशोधन संचालनालय आणि सोयाबीन संशोधन योजना यांचे संयुक्‍त विद्यमाने दिनांक २ डिसेंबर रोजी सकाळी ११.०० वाजता ऑनलाईन उन्‍हाळी सोयाबीन बीजोत्‍पादन कार्यशाळेचे आयोजन करण्‍यात आले असुन कार्यशाळेस उदघाटक म्‍हणुन इंदौर येथील भारतीय सोयाबीन संशोधन संस्‍थेचे संचालक मा डॉ निता खांडेकर हे उपस्थित राहणार असुन कार्यक्रमाच्‍या अध्‍यक्षस्‍थानी कुलगुरू मा डॉ अशोक ढवण हे राहणार आहे. कार्यक्रमास संशोधन संचालक डॉ दत्‍तप्रसाद वासकर व इंदौर येथील भारतीय सोयाबीन संशोधन संस्‍थेचे माजी संचालक डॉ विरेंद्रसिंह भाटीया यांची विशेष उपस्थिती लाभणार आहे. सदरिल ऑनलाईन कार्यशाळा झुम मिटिंग माध्‍यमातुन होणार असुन झुम मिटिंग आयडी ८६८५६८४३६५० हा असुन पासवर्ड १२३४५ आहे, तसेच कार्यशाळेचे थेट प्रसारण विद्यापीठ युटयुब चॅनल youtube.com/user/vnmkv वरही करण्‍यात येणार आहे. कार्यशाळेत उन्‍हाळी सोयाबीन बीजोत्‍पादनाची आवश्‍यकता यावर डॉ सतिष निचळ, उन्‍हाळी सोयाबीन बीजोत्‍पादनासाठी वाणाची निवड यावर डॉ मिलिंद देशमुख, उन्‍हाळी सोयाबीन लागवड तंत्रज्ञानावर डॉ शिवाजी म्‍हेत्रे, उन्‍हाळी सोयाबीन पीकावरील किडींचे व्‍यवस्‍थापनावर डॉ राजेंद्र जाधव, उन्‍हाळी सोयाबीन रोग व्‍यवस्‍थापनावर डॉ विक्रम घोळवे, उन्‍हाळी सोयाबीन काढणी, हाताळणी व साठवणुक यावर डॉ खिजर बेग आदी मार्गदर्शन करणार असुन शेतकरी बांधवाच्‍या उन्‍हाळी सोयाबीन बीजोत्‍पादनाविषयीचे प्रश्‍न व शंका यावर विद्यापीठ शास्‍त्रज्ञ उत्‍तरे देणार आहेत.
तरि सदरिल ऑनलाईन कार्यशाळेचा लाभ महाबीज, महाराष्‍ट्र राज्‍य बीज प्रमाणीकरण यंत्रणा, कृषि विज्ञान केंद्रे, कृषि विभाग, शेतकरी बीजोत्‍पादन कंपनी, शेतकरी गट, शेतकरी बांधवांनी घ्‍यावा असे आवाहन सोयाबीन संशोधन योजनेचे प्रभारी अधिकारी डॉ शिवाजी म्‍हेत्रे व सहाय्यक किटकशास्‍त्रज्ञ डॉ राजेंद्र जाधव यांनी केले आहे.
