भारतीय हवामान विभाग, मुबई यांचेकडून
प्राप्‍त झालेल्‍या हवामान अंदाजानुसार, मराठवाडा विभागामध्‍ये पुढील आठवडयात आकाश ढगाळ राहील. औरंगाबाद जिल्‍हयात हलका
ते मध्‍यम स्‍वरूपाचा तर बीड, उस्‍मानाबाद, लातुर, व परभणी जिल्‍हयात
तुरळक ठिकाणी हलका पाउस पडेल. कमाल तापमान २८.० ते ३१.० अंश सेल्‍सीअस राहील
तर किमान तापमान १९.० ते २३.० अंश सेल्‍सीअस राहील. वारा ताशी ९.० ते १३.० कि.मी.
प्रति तास वेगाने वाहील. सकाळची सापेक्ष आर्द्रता ७५.० ते ८९.० टक्‍के तर दुपारची
सापेक्ष आर्द्रता ४९.० ते ६६.० टक्‍के राहील.
विशेष सुचना : या आठवडयात आकाश ढगाळ राहून औरंगाबाद जिल्‍हयात हलका ते मध्‍यम
स्‍वरूपाचा पाउस पडेल.
एकात्मिक कृषि हवामान सल्ला सेवा
योजना, कृषि हवामानशास्‍त्र
विभाग, व.ना.म.कृ.वि परभणी
यांचा शेतकरी बांधवांना सल्ला
- पावसाचे अतिरीक्‍त पाणी पिकाबाहेर काढून द्यावे. खरीप ज्‍वारीचे पिकात बुरशीजन्‍य रोगाचा प्रादूर्भाव दिसून येत आहे. त्‍याचे नियंत्रणासठी मॅंकोझेब २० ग्रॅम + स्‍टीकर १० मिली प्रति १० लिटर पाण्‍यात मिसळुन फवारणी करावी.
- सोयाबीनचे पिकात पानेखाणा-या आळया उदा. उंटअळी, तंबाखुवरील पाने खाणारी अळी दिसून येत आहे. त्‍याच्‍या नियंत्रणासाठी क्विनॉलफॉस २० मिली प्रति १० लिटर किंवा इमामेक्‍टीन बेंझोएट ५ टक्‍के ४ ग्रॅम प्रति १० लिटर पाण्‍यात मिसळुन फवारणी करावी. चक्री भुंग्‍यांचा प्रादूर्भाव दिसून येत असल्‍यास ट्रायझोफॉस ४ टक्‍के २० मिली प्रति १० लिटर पाण्‍यात मिसळुन फवारणी करावी.
- पावसाचे अतिरीक्‍त पाणी पिकाबाहेर काढून द्यावे. वापसा येताच उसाची खांदणी करून बांधनी करावी. म्‍हणजे उसाचे पीक अधिकच्‍या पावसामुळे कोलमडणार नाही.
- बागायात/जीरायत कापूस पिकात तुडतुडे व पांढ-या माशीचा प्रादूर्भाव दिसून येत असल्‍यास त्‍याच्‍या नियंत्रणासाठी अॅसिफेट ७५ टक्‍के २० ग्रॅम प्रति लिटर पाण्‍यात मिसळून पहिली फवारणी करावी. पहिली फवारणी केली असल्‍यास या किडीच्‍या नियंत्रणासाठी असिटामेप्रीड २० टक्‍के ४ ग्रॅम प्रति १० लिटर पाण्‍यात मिसळुन दुसरी फवारणी करावी. किंवा थायामिथोक्‍झाम २५ टक्‍के ३ ग्रॅम प्रति १० लिटर पाण्‍यात मिसळुन फवारणी करावी.
- नविन लागवड केलेल्‍या आंबा बागेत पावसाचे साचलेले पाणी चर खोदून काढून टाकावे. कलम केलेल्‍या जागेवर बोर्डो मलम लावावा. प्रत्‍येक कलमास ५० ग्रॅम नत्राची मात्रा द्यावी.
- पावसाचे पाणी साचले असल्‍यास चर खोदून पाणी बाहेर काढून द्यावे. मृगबाहार धरलेल्‍या बागेला नत्राचा दुसरा हप्‍ता प्रत्‍येक ५०० ग्रॅम प्रति झाड द्यावा. बुरशीजन्‍य रोगाचे नियंत्रणासाठी बोर्डोमिश्रण १ टक्‍के ची फवारणी करावी. नविन लागवड केलेल्‍या बागेस ट्रायकोडर्माची ड्रेचिंग १० ग्रॅम प्रति १० लिटर पाण्‍यात मिसळुन १/२ लिटर प्रति झाड करावी.
- मिरची पिकात फुलकिंडयांच्‍या नित्रंणासाठी फिप्रोनिल ५ टक्‍के २० मिली किंवा स्पिनोसॅड ४५ टक्‍के ३ मिली प्रति १० लिटर पाण्‍यात मिसळुन फवारणी करावी. व बुरशीजन्‍य रोगाच्‍या नियंत्रणासाठी कार्बेंडॅझीन १० ग्रॅम प्रति १० लिटर पाण्‍यात मिसळुन फवारणी करावी.
- हिरवा चारा खाण्‍यात आल्‍यामुळे जनावरांना संडास लागण्‍याचे प्रमाण वाढलेले आहे. तरी अजारात वाळलेला कडबा/ शुष्‍क पदार्थाचा वापर करावा. तसेच संडास जास्‍त असल्‍यास सल्‍फा/ सिप्रोफलॉझॅसिन गोळी खाउ घालावी.
सौजन्य
केंद्र प्रमुख
एकात्मिक कृषी हवामान सल्ला सेवा योजना
कृषि
हवामानशास्‍त्र विभाग, व.ना.म.कृ. परभणी
पञक क्रमांकः ३४
दिनांकः १३.०८.२०१३
