 |
| मार्गदर्शन करतांना डॉ विजया नलवडे |
वसंतराव नाईक मराठवाडा कृषि विद्यापीठ, परभणी अंतर्गत असलेल्या गृह
विज्ञान महाविद्यालयातर्फे ‘गृह विज्ञान आपल्या दारी,
कुटूंबाचे कल्याण करी’ या अभियानांतर्गत तिर-या फेरीमध्ये
दि 7 डिसेंबर रोजी हिंगोली जिल्ह्यातील मौजे हटटा, बोरी सावंत व आडगांव येथे
कार्यक्रम घेण्यात आले. मौजे हटटा येथे डॉ विजया नलवडे यांनी ‘गृह विज्ञानाचे शिक्षण’, तर डॉ फरजाना फारोखी यांनी ‘उत्तम पोषण उत्तम आरोग्य – हीच खरी कुटुंबाची दौलत’ याविषयावर तर डॉ जयश्री रोडगे यांनी ‘कौटुंबिक उत्पन्नास लावण्या हातभार – गृहिणींनो करा लघुउघोगाचा स्वीकार’ याविषयी इलेक्ट्रॉनिक माध्यमातुन
उपयुक्त मार्गदर्शन केले.
कार्यक्रमाच्या शेवटी
तज्ञांनी केलेल्या मार्गदर्शनावर आधारित प्रश्न मंजुषा घेवून अचुक उत्तरे
देणा-या लाभार्थ्यांना ‘उत्कृष्ट श्रोता पुरस्कार’ देण्यात आले. या निवडक गावांमध्ये कार्यक्रमाचे आयोजन संशोधन
सहयोगी अर्चना भोयर, रुपाली पतंगे, शितल राठोड यांनी केले. कार्यक्रमात गृह
विज्ञान महाविद्यालय निर्मीत कुटुंबयोगी पुस्तकांचे प्रदर्शन व विक्री केली.
कार्यक्रमांना महिला, विद्यार्थी तसेच ग्रामस्थ मोठया संख्येने उपस्थित होते.
