वसंतराव नाईक मराठवाडा कृषि विद्यापीठाचे विस्तार शिक्षण संचालनालय व
महाराष्‍ट्र शासनाचा कृषि विभाग यांचे संयुक्‍त विद्यमाने मराठवाडा मुक्‍ती
दिनानिमित्‍त दि १७ सप्‍टेंबर रोजी सकाळी ११.०० वाजता रबी पीक शेतकरी मेळाव्‍याचे
आयोजन कृषि महाविद्यालयाच्‍या सभागृहात करण्‍यात आले असुन मेळाव्‍याचे उद्घाटन
परिवहन मंत्री तथा परभणीचे पालकमंत्री मा ना श्री दिवाकररावजी रावते यांच्‍या हस्‍ते
होणार आहे. कार्यक्रमास विशेष अतिथी म्‍हणुन पुणे येथील महाराष्‍ट्र कृषि शिक्षण व
संशोधन परिषदेचे उपाध्‍यक्ष मा ना डॉ राम खर्चे यांची उपस्थिती लाभणार असुन कुलगुरू
मा डॉ बी व्‍यंकटेश्‍वरलु हे अध्‍यक्षस्‍थानी राहणार आहेत. संसद सदस्‍य मा श्री
संजय जाधव, विधानषरिषद सदस्‍य मा श्री सतीश चव्‍हाण, विधानषरिषद सदस्‍य मा श्री
विक्रम काळे, विधानषरिषद सदस्‍य मा श्री अब्‍दुल खान दुर्राणी (बाबाजानी), विधानपरिषद सदस्‍य मा श्री रामराव
वडकुते, परभणी विधानसभा सदस्‍य मा डॉ राहुल पाटील, जिंतुर विधानसभा सदस्‍य मा श्री
विजय भांबळे, गंगाखेड विधानसभा सदस्‍य मा डॉ मधुसुदन केंद्रे व पाथरी विधानसभा सदस्‍य
मा श्री मोहन फड यांची प्रमुख उपस्थिती राहणार आहे.
मेळाव्‍याच्‍या तांत्रिक सत्रात विद्यापीठातील शास्‍त्रज्ञ रबी
पिकांबद्दल शेतक-यांना मार्गदर्शन करणार असुन सदरिल मेळाव्‍यास जास्‍तीस जास्‍त शेतकरी बांधवांनी उपस्थित राहण्‍याचे आवाहन विस्तार शिक्षण संचालक डॉ बी बी भोसले, परभणी
जिल्‍हा अधिक्षक कृषि अधिकारी डॉ साहेबराव दिवेकर व मुख्‍य शिक्षण विस्तार
अधिकारी डॉ पी आर देशमुख यांनी केले आहे.
मेळाव्‍याच्‍या तांत्रिक सत्रात दुष्‍काळी
परिस्थितीतील चारा पीक व्यवस्थापनावर डॉ बी बी ठोंबरे, सद्यस्थितीत खरीप व रब्बी
पिकांवरील किंडीचे व्यवस्थापनावर डॉ बी बी भोसले व डॉ पी आर झंवर, कापुस व तुर,
रब्बी पिकांवरील रोग व्यवस्थापनावर डॉ ए पी सुर्यवंशी, रब्बी ज्‍वार लागवडीवर
प्रा एस एस सोळंके, हरभरा लागवडीवर डॉ डि के पाटील, करडई लागवडीवर डॉ एस बी घुगे
तसेच आपत्‍कालीन परिस्थितीतील पीक नियोजनावर डॉ बी व्‍ही आसेवार व बीबीएफ यंत्राचा
सुयोग्‍य वापरावर प्रा पी ए मुंढे मार्गदर्शन करणार आहेत.
