विद्यापीठ कॅशलेसच्या दृष्टीने महत्वाचे पाऊल
वसंतराव नाईक मराठवाडा कृषि विद्यापीठातंर्गत
मराठवाडयातील अकरा घटक महाविद्यालयात साधारणत: सहा हजार विद्यार्थी शिक्षण घेत असुन
विद्यार्थ्यांची शैक्षणिक सत्राची नोंदणी जुन महिन्यात सुरूवात होते. त्या
अनुषंगाने प्रत्येक विद्यार्थ्यांच्या नोंदणी शुल्काचा भरणा करण्यासाठी विद्यापीठाने
स्टेट बॅक ऑफ इंडियाच्या सहकार्याने ऑनलाईन पध्दतीने एसबीआय कॅलेक्शन व्दारे
सुविधा उपलब्ध करून दिलेली आहे. शासनाने सर्व व्यवहार
कॅशलेस करण्यासंदर्भात निर्देश लक्षात घेता दिनांक 20 मे रोजी कुलगुरू मा. डॉ.
बी. व्यंकटेश्वरलु यांच्या अध्यक्षतेखाली सर्व महाविद्यालयाचे प्राचार्य,
संबंधित अधिकारी, कर्मचारी यांना प्रशिक्षण देऊन या सुविधाबाबत मार्गदर्शन करण्यात
आले. प्रशिक्षणास शिक्षण संचालक डॉ अशोक ढवण, विद्यापीठ नियंत्रक श्री विनोद
गायकवाड यांची प्रमुख उपस्थिती होती. प्रशिक्षणात सहाय्यक नियंत्रक श्री जी बी
ऊबाळे यांनी सदरिल सुविधेबाबत माहिती दिली. यामुळे या शैक्षणिक सत्रापासुन
विद्यार्थ्यी ऑनलाईन सुविधेचा लाभ घेऊ शकतील.
विद्यापीठ बियाणे विक्रीतही स्वाईप
मशिन सुविधेस शेतक-यांचा मोठा प्रतिसाद
यापुर्वीच विद्यापीठ वर्धापन दिनी
आयोजित खरिप शेतकरी मेळाव्या निमित्त विद्यापीठ विकसित बियाणे विक्री दरम्यान
स्वाईप मशिन सुविधा उपलब्ध करून देण्यात आली होती. शेतक-यांनी स्वत:च्या एटिएम
कार्ड व्दारे स्वाईप मिशन सुविधेच्या माध्यमातुन सदरिल बियाणे खरीदेसाठी प्रतिसाद दिला.
