वसंतराव नाईक मराठवाडा कृषी विद्यापीठातील पशुशक्तीचा योग्य वापर योजनेद्वारे दिनांक ५ जुन रोजी बीबीएफ जोडणी व वापर यावर एक दिवसीय प्रशिक्षणाचे आयोजन करण्यात आले होते. प्रशिक्षणाचे उदघाटन संशोधन संचालक डॉ दत्तप्रसाद वासकर यांच्या हस्ते झाले. यावेळी कृषी अभियांत्रिकी महाविद्यालयाचे प्राचार्य डॉ उदय खोडके, विभाग प्रमुख डॉ राहूल रामटेके, प्रगतशील शेतकरी श्री मंगेश देशमुख, संशोधन अभियंता डॉ स्मिता सोलंकी, डॉ शिवाजी म्हेत्रे, डॉ खर्गखराटे, डॉ नारखेडे, डॉ अशोक जाधव, डॉ अनिल गोरे, डॉ. मदन पेंडके आदींची प्रमुख उपस्थिती होती.
यावेळी मार्गदर्शनात डॉ. दत्तप्रसाद वासकर म्हणाले की, कोरडवाहू शेतीकरिता बीबीएफ यंत्र हे एक वरदान असुन यंत्राचा उपयोगामुळे खत, बियाणे, तणनाशक, किडकनाशक आदी निविष्ठांची बचत होते. तसेच पाण्याचा योग्य निचरा, जलसंवर्धन आणि पिक उत्पादनात चांगली वाढ होते, असे त्यांनी सांगितले. प्रशिक्षणात संशोधन अभियंता डॉ स्मिता सोलंकी यांनी बीबीएफ यंत्राने फोर इन वन जोडणी व मांडणी, कमी रुंदीचा टायर वापरून बीबीएफ यंत्राच्या मदतीने पेरणी ते फवारणी, इतर कृषि यंत्राच्या जोडणी, मांडणी, निगा दुरुस्ती मांडणी व येणाऱ्या विविध अडचणी याबाबत प्रात्यक्षिकाद्वारे मार्गदर्शन केले. प्रशिक्षणात शेतकरी, ट्रॅक्टर चालक, विद्यापीठातील विविध संशोधन केंद्राचे शास्त्रज्ञ तसेच आदींनी सहभाग नोंदविला होता. कार्यक्रम यशस्वीतेसाठी अजय वाघमारे, संदेश देशमुख, भारत खटिंग, दीपक शिंदे, रुपेश काकडे, आदींनी यांनी परिश्रम घेतले.
