वसंतराव
नाईक मराठवाडा कृषि विद्यापीठातील नाहेप प्रकल्प आणि आयआयटी,
खरगपुर यांच्या संयुक्त विद्यमाने डिजिटल कृषी क्षेत्रातील
तंत्रज्ञानाची उपयोगिता या विषयावर दोन आठवड्यच्या ऑनलाईन प्रशिक्षण वर्गाचे आयोजन
13 ते 24 जुलै दरम्यान करण्यात आले असुन
प्रशिक्षणाचे उद्घाटन दिनांक 13 जुलै रोजी पार पडला. यावेळी प्रमुख पाहुणे म्हणून आयआयटी, खरगपुर चे संचालक
मा. डॉ. व्ही. के.
तिवारी उपस्थित होते. तर शिक्षण संचालक डॉ.
धर्मराज गोखले, आयआयटी खरगपुरचे उपसंचालक डॉ.
एस. के. भट्टाचार्य,
अधिष्ठाता डॉ. सुमन चक्रवर्ती, नाहेप प्रकल्‍पाचे प्रमुख अन्वेषक डॉ. गोपाळ शिंदे आदींची
प्रमुख उपस्थिती होती.
मार्गदर्शनात
डॉ.
व्ही.के. तिवारी म्‍हणाले
की, आधुनिक तंत्रज्ञानाचा वापर करून कृषी क्षेत्रातील
समस्यांचे निराकरण करणे शक्य आहे. कोरोनोत्तर काळात कृषी
क्षेत्रात डिजिटल तंत्रज्ञानाचा वापर वाढीस लागणार आहे. संशोधनाच्‍या माध्‍यमातुन डिजिटल
तंत्रज्ञानाचा वापर करून कृषी उत्पादकता वाढवण्यासाठी शास्त्रज्ञ, पदवीत्तर विद्यार्थी, प्राध्यापक यांनी आपले योगदान
द्यावे असे आवाहन त्यांनी करून प्रशिक्षण आयोजनाबद्दल नाहेप खरगपूर सेंटरचे
अभिनंदन केले. यावेळी शिक्षण संचालक डॉ.धर्मराज गोखले यांनी प्रशिक्षणासाठी शुभेच्छा देऊन सहभागी विद्यार्थी,
प्राध्यापक, शास्त्रज्ञ यांना निश्चितच लाभ होईल,
अशी आशा व्यक्त केली.
डॉ.
एस.के.भट्टाचार्य यांनी
आयआयटी खरगपूर येथील संशोधन कार्याची माहीती देऊन प्रशिक्षणाचा लाभ घेण्याचे आवाहन
केले तर प्रशिक्षणाचे आयोजक प्रा. डॉ. राजेंद्र
माचावरम यांनी प्रशिक्षणा विषयी माहिती दिली तसेच डॉ. गोपाळ शिंदे
यांनी नाहेप प्रकल्प विषयी माहिती दिली. सूत्रसंचालन
आयआयटीतील इलेक्ट्रॉनिक्स विभागाचे प्रमुख डॉ. टि.के. भट्टाचार्य यांनी केले तर आभार डॉ. ए.के. देब यांनी मानले.
प्रशिक्षण वर्गासाठी पदव्युत्त्तर-आचार्य पदवीचे
विद्यार्थी, प्राध्यापक, शास्त्रज्ञ असे
एकूण 80 जणांची निवड करण्यात आली आहे. कार्यक्रमाचे
नियोजन नाहेप खरगपुर चे सहप्रमुख अन्वेषक डॉ. राजेंद्र मचावरम
यांनी केले. कार्यक्रम यशस्‍वीतेसाठी प्रशिक्षण समन्वयक प्रा.
दत्तात्रय पाटील, डॉ.अनिकेत
वाईकर, इंजि. अपूर्वा देशमुख, इंजि. रश्मी बंगाळे, इंजि.शिवानंद शिवपुजे आदींचे तांत्रिक पाठबळ मिळाले.
