वसंतराव नाईक मराठवाडा कृषि विद्यापीठातील परभणी कृषि महाविद्यालयाच्या राष्ट्रीय छात्रसेनाचे छात्रसेना अधिकारी डॉ जयकुमार देशमुख यांना लेफ्टनंट रँक देऊन गौरविण्यात (दिनांक 28 जानेवारी रोजी) आले. नांदेड येथे 52 महाराष्ट्र बटालियन नांदेड येथील कमांडिंग ऑफिसर जी आर के शेषा साई यांच्या हस्ते गौरविण्यात आले. मार्गदर्शनात कमांडिंग ऑफिसर जी आर के शेषा साई म्हणाले की, महाविद्यालयीन एनसीसी युनिट आणि आर्मी यांनी एकत्र येऊन कार्य केल्यास देशाला निश्चितच चांगले कॅडेट्स मिळतील. यावेळी सुभेदार मेजर बिक्रम सिंग, यावेळी जगत सिंग, आर आर पवार, लेफ्टनंट सावळे आदीसह 52 महाराष्ट्र बटालियन नांदेड चे अधिकारी उपस्थित होते. सदरिल गौरवाबाबत डॉ जयकुमार देशमुख यांचे कुलगुरू मा डॉ अशोक ढवण, शिक्षण संचालक डॉ धर्मराज गोखले, प्राचार्य डॉ सय्यद ईस्माईल आदींनी अभिनंदन केले.
