वनामकृवित ७५ वा स्वातंत्र्य दिन साजरा
सन २०२१-२०२२ हे वर्ष देशाच्या स्वातंत्र्याचा अमृत महोत्सवी वर्ष
व परभणी कृषि विद्यापीठाचा सुवर्ण महोत्सवी वर्ष असुन यावर्षात विद्यापीठातील शास्त्रज्ञ, प्राध्यापक व विस्तारकांनी शेतकरी बांधव व विद्यार्थी
यांच्या कल्याणाकरिता आपले उत्कृष्ट योगदान देण्यासाठी कटिबध्द व्हावे, असा सल्ला कुलगुरू मा डॉ अशोक ढवण यांनी दिला.
वसंतराव नाईक मराठवाडा कृषि विद्यापीठात देशाच्या ७५ व्या स्वातंत्र्य दिनानिमित्त मुख्य प्रागंणात कुलगुरू मा डॉ अशोक ढवण यांच्या हस्ते ध्वजारोहण करण्यात आले, यावेळी उपस्थितांना संबोधित करतांना ते बोलत होते. कार्यक्रमास शिक्षण संचालक डॉ धर्मराज गोखले, संशोधन संचालक डॉ दत्तप्रसाद वासकर, विस्तार शिक्षण संचालक डॉ देवराव देवसरकर, कुलसचिव डॉ धीरजकुमार कदम, विद्यापीठ नियंत्रक श्रीमती दिपाराणी देवतराज, प्राचार्य डॉ सय्यद ईस्माइल, प्राचार्य डॉ उदय खोडके, डॉ गिरीधारी वाघमारे, विद्यार्थ्यी कल्याण अधिकारी डॉ महेश देशमुख आदींची प्रमुख उपस्थिती होती.
कुलगुरू मा डॉ अशोक ढवण पुढे म्हणाले की, कोरोना रोगाच्या प्रादुर्भाव परिस्थितीत ही कृषि
विद्यापीठाचे शिक्षण, संशोधन व विस्तार शिक्षणाचे कार्य
अविरत चालु होते. विद्यापीठाच्या दर्जेदार बियाणास शेतकरी व शेतकरी बियाणे उत्पादक
कंपन्या यांच्यात मोठी मागणी असुन गेल्या वर्षी अवकाळी पाऊसामुळे विद्यापीठ बीजोत्पादनाचे
अपेक्षित लक्ष पुर्ण होऊ शकले नाही, परंतु यावर्षी दहा हजार क्विंटल
बीजोत्पादनाचे लक्ष असुन पुरेसा प्रमाणात बियाणे उपलब्ध होईल, अशी अपेक्षा आहे. विद्यापीठ विकसित इतर निविष्ठांचीही मागणी वाढत आहे, गेल्या वर्षी बॉयोमिक्सची ३ कोटी रूपये चा महसुल प्राप्त झाला, यावर्षी ५ कोटी रूपयेचे लक्ष आहे. गेल्या दोन ते तीन वर्षात विद्यापीठ निविष्ठांची
विकेंद्रीत स्वरूपात विक्री करण्यात येत आहे. निविष्ठांचे उत्पादनही केवळ परभणी
मुख्यालयी न करीता मराठवाडयातील विद्यापीठांतर्गत असलेले कृषि विज्ञान केंद्रे, महाविद्यालये, संशोधन केंद्रे आदी ठिकाणी करण्यात येऊन
विक्री करण्यात येत आहे, प्रत्येक जिल्हयातील शेतक-यापर्यंत
पोहचण्याचा विद्यापीठाचा प्रयत्न आहे. विद्यापीठ निर्मित निविष्ठांची शेतकरी बांधवात
वाढती मागणी म्हणजेच शास्त्रज्ञांच्या संशोधनातील अथक प्रयत्नातुन निर्माण केलेल्या
तंत्रज्ञानावरील विश्वास आहे, याबाबत विद्यापीठास सार्थ अभिमान
आहे. कृषि तंत्रज्ञान विस्तार करिता ऑनलाईन कार्यशाळा, व्याख्याने व प्रशिक्षण कार्यक्रमाव्दारे विद्यापीठाशी संपुर्ण महाराष्ट्रातुन
आज लाखो शेतकरी व कृषि विस्तारकांशी जोडले गेले आहेत. हरित विद्यापीठ, स्वच्छ विद्यापीठ उपक्रमामुळे विद्यापीठ परिसर सुंदर दिसत असुन यात प्रत्येकाचे
योगदान महत्वाचे आहे, असे ते म्हणाले. कार्यक्रमाचे सुत्रसंचालन श्री उदय वाईकर यांनी केले. कार्यक्रमास
विद्यापीठातील प्राध्यापक, शास्त्रज्ञ, अधिकारी व कर्मचारी मोठया संख्येने
उपस्थित होते.
