परभणी येथे 28 वा नेत्रदान पंधरवाडा निमित्त जनसामान्यात नेत्रदानाबददल जनजागृती करीता पदयात्रेचे आयोजन जिल्हा रूग्णालयाच्या वतीने करण्यात आले होते. या पदयात्रेत वसंतराव नाईक मराठवाडा कृषि विद्यापीठ, परभणी अंतर्गत असलेल्या कृषि अभियांत्रिकी महाविद्यालयाच्या राष्ट्रिय सेवा योजनेच्या स्वयंसेवकानी सहयोगी अधिष्ठाता व प्राचार्य डॉ उदय खोडके यांच्या मार्गदर्शनाखाली उत्स्फुर्त सहभाग नोंदवीला. या पदयात्रेच्या समारोप प्रसंगी जिल्हाधिकारी मा श्री एस पी सिंह यांनी मरणोत्तर नेत्रदानाचा संकल्प केला. पदयात्रेत जिल्हा परिषदचे मुख्य कार्यकारी अधिकारी श्री मित्रगोत्री, जिल्हा शल्यचिकित्सक डॉ एकनाथ माले, जिल्हा माहिती अधिकारी श्री राजेंद्र सरग, डॉ संजय रोडगे, डॉ सालेहा कौसर, डॉ अर्चना गोरे, कार्यक्रमाधिकारी प्रा रविंद्र शिंदे, प्रा संजय पवार व स्वयंसेवक मोठया संख्येने उपस्थित होते.
