आत्मा परभणी आणि वनामकृवितील कृषी तंत्रज्ञान माहिती केंद्र यांच्या संयुक्त विद्यमाने साजरा
परभणी तालुका कृषी अधिकारी आणि पूर्णा तालुका कृषी अधिकारी या दोन तालुक्याचे रानभाज्या महोत्सव कृषी तंत्रज्ञान व्यवस्थापन यंत्रणा (आत्मा) परभणी आणि वसंतराव नाईक मराठवाडा कृषि विद्यापीठातील कृषी तंत्रज्ञान माहिती केंद्र यांच्या संयुक्त विद्यमाने दिनांक 9 ऑगस्ट रोजी साजरा करण्यात आला. महोत्‍सवाचे उद्घाटन विद्यापीठाचे विस्तार शिक्षण संचालक डॉ डी बी देवसरकर यांच्या हस्‍ते करण्यात आला तर कृषि विद्यावेत्‍ता डॉ गजानन गडदे व आत्मा प्रकल्‍प संचालक श्री एस बी आळसे, उपसंचालक आत्मा श्री के आर सराफ, परभणी तालुका कृषी अधिकारी श्री प्रभाकर बनसावडे यांची प्रमुख उपस्थिती होती.
कृषी तंत्रज्ञान माहिती केंद्र येथे रानभाज्या दालन उभारणी करण्यात आले होती. महोत्सवामध्ये शेतकरी गटांनी सहभाग नोंदवला, परभणी तालुक्यातील लक्ष्मीदेवी स्वयंसाहाय्यता महिला शेतकरी गट (असोला), राजमाता जिजाऊ महिला स्वयंसहायता शेतकरी बचत गट (परळगव्हान), ताराराणी महिला शेतकरी स्वयंसहायता बचत गट (परळगव्हाण), एकता स्वयंसहायता शेतकरी बचत गट (भोगाव), श्री चक्रधर स्वामी स्वयंसहाय्यता बचत गट (खानापूर), प्रगतशील शेतकरी बबनराव देशमुख (गावकर) आणि विशाल जावळे (असोला) आदींनी सहभाग नोंदवला तसेच पूर्णा तालुक्यातील ओंकार शेतकरी बचत गट (माखनी) अध्यक्ष जनार्दन आवरगंड, स्वराज्य स्वयंसहाय्यता बचत गट (बरबडी), कातनेश्‍वर येथील प्रगतशील शेतकरी नारायण चापके व विश्वनाथ चापके यांनी सहभाग नोंदवला. कार्यक्रम यशस्वीतेसाठी कृषी विभागातील सर्व कर्मचारी अधिकारी आणि कृषी तंत्रज्ञान व्यवस्थापन यंत्रणा आत्मा परभणी येथील सर्व कर्मचारी व अधिकारी परिश्रम घेतले.
