Thursday, June 30, 2022

मौजे जांब येथे पशुरोग प्रतिबंधक लसीकरण मोहीमेत १९० पशुचे लसीकरण

वसंतराव नाईक मराठवाडा कृषि विद्यापीठाच्‍या परभणी कृषि महाविद्यालयतील ग्रामीण जागरूकता कार्यानुभव कार्यक्रम (रावे) अंतर्गत करडई संशोधन केंद्र येथील कार्यरत असलेल्‍या कृषीकन्‍यानी दिनांक २८ जुन रोजी मौजे जांब येथे पशुंना घटसर्प व फऱ्या रोगप्रतिबंधक लसीकरण मोहीम राबवुन १९० पशूंना लसीकरण करण्यात आले.

मोहिमेत पशुधन विकास अधिकारी डॉ. आडे आणि डॉ. यु. आर. लकरे यांचे मार्गदर्शन लाभले. कार्यक्रमास सरपंच रामभाऊ रेंगे, माजी सरपंच अजयराव जामकर, पशुधन विकास अधिकारी डॉ. आडे आणि डॉ. लकरे, ग्रामसेवक पंजाबराव देशमुख, बाळासाहेब रेंगे आदींची प्रमुख उपस्थिती होती.

कार्यक्रमात डॉ. आडे आणि डॉ. लकरे यांनी पशु लसीकरणाचे महत्‍व सांगितले, त्‍यांच्‍या मार्गदर्शनाखाली गावातील १९० पशुंचे लसीकरण करण्‍यात आले. याप्रसंगी पशुपालकांना भिंतीफलकांवर व तक्ताद्वारे जनावरांच्या रोगांविषयी माहिती देण्यात आली.

सदरिल कार्यक्रम शिक्षण संचालक डॉ. डी. एन. गोखले, प्राचार्य डॉ. सय्यद इस्माईल, रावे समन्वयक डॉ. आर. पी. कदम, करडई संशोधन केंद्राचे डॉ. एस. बी. घुगे, रावे सहसमन्वयक डॉ . पी. एस. कापसे, कार्यक्रम अधिकारी डॉ. ए. डब्ल्यू. मोरे आदींच्‍या मार्गदर्शनाखाली आयोजित केला होता.

कार्यक्रमाचे प्रास्ताविक डॉ. ए. डब्ल्यू. मोरे यांनी केल. सूत्रसंचालन प्राजक्ता गवळी हिने केले तर आभार श्रुती देशमुख हिने मानले. कार्यक्रम यशस्वीतेसाठी कृषीकन्या वैष्णवी देशमुख, गायत्री धानोरकर, प्रीती गरड, मेघा गिरी, अंजू हेंद्रे, रेणुका गादेवार, वेदिका धुतराज, मनस्वी भोयर, स्नेहल चव्हाण, प्रियंका ढगे, अखिला, पूजा चंदा, अमृता देशमुख, प्रणिता भोसले, प्रियंका चौरे, ऐश्वर्या आंबेकर आदींनी परिश्रम घेतले.

Wednesday, June 29, 2022

खामगांव (बीड) येथील कृषि विज्ञान केंद्रात कृषि संजीवनी मोहीम अंतर्गत शेतकरी शास्त्रज्ञ सुसंवाद कार्यक्रम संपन्न


वसंतराव नाईक मराठवाडा कृषि विद्यापीठांतर्गत असलेल्‍या खामगांव (बीड) येथील कृषि विज्ञान केंद्र, कृषि विभाग व आत्मा, बीड यांच्या संयुक्त विद्यमाने "कृषि संजीवनी मोहीम" अंतर्गत कृषि विज्ञान केंद्रात दिनांक २९ जून रोजी "शेतकरी शास्त्रज्ञ सुसंवाद" कार्यक्रमाचे आयोजन करण्यात आले होते. कार्यक्रमाचे प्रमुख उद्घाटक म्हणून आत्मा संचालक श्री. दशरथ तांबाळे हे उपस्थित होते तर बीड जिल्हा अधीक्षक कृषि अधिकारी श्री. बाबासाहेब जेजुरकर, बीड आत्मा प्रकल्प संचालक श्री. दत्तात्रय मुळे, बीड, माजलगाव उपविभागीय कृषि अधिकारी श्री. सुरज मडके, कार्यक्रम समन्वयक प्रा. दिप्ती पाटगावकर, गेवराई तालुका कृषि अधिकारी श्री. अभय वडकुते, व बीड तालुक्यातील उमेद चे तालुका समन्वयक, आष्टी येथील धान फाउंडेशनचे तालुका समन्वयक, आर्थिक विकास महामंडळ, गेवराईचे तालुका समन्वयक आदींची प्रमुख उपस्थिती होती.

मार्गदर्शनात श्री. दशरथ तांबाळे यांनी खरीप हंगामातील प्रमुख पिकांची लागवड करताना बियाण्यांची उगवण क्षमता चाचणी, बीज प्रक्रिया, जलसंवर्धना करीता बीबीएफ तंत्रज्ञान, कीड व रोग व्यवस्थापन, कापणी पश्चात तंत्रज्ञान तसेच स्मार्ट प्रकल्पाचे विविध योजना, धान्य तारण योजना ई. बाबत मार्गदर्शन केले. श्री. दत्तात्रय मुळे यांनी आत्मा अंतर्गत असलेल्या विविध योजनांची माहिती देऊन मूल्यवर्धनामुळे शेतामाल मिळणारे मूल्य, सोबतच आत्मा अंतर्गत वाटप करण्यात आलेल्या पोषण बाग किटच्या वापराबाबत मार्गदर्शन केले.

तांत्रिक सत्रात खरीप पीक लागवड तंत्रज्ञानावर शास्त्रज्ञ डॉ. हनुमान गरुड यांनी मार्गदर्शन केले तर हुमणी अळीचे व्यवस्थापनावर डॉ. भैय्यासाहेब गायकवाड, शास्त्रोक्त शेळीपालनावर प्रा. किशोर जगताप, बीबीएफ तंत्रज्ञान व दालमिल यावर डॉ. तुकेश सुरपाम यांनी मार्गदर्शन केले.

याप्रसंगी मान्यवरांच्या हस्ते केंद्राच्या प्रक्षेत्रावर उभारण्यात आलेल्या "आदर्श पोषण बागेचे" उद्घाटन करण्यात आले तसेच वृक्षारोपण करण्यात आले. केव्‍हीके प्रकाशित पोषण बागेच्या माहिती पत्रकाचे विमोचन करण्‍यात आले तसेच आत्मा, बीड तर्फे पोषण बागेच्या किटचे उपस्थित महिला वर्गास वाटप करण्यात आले.

प्रास्‍ताविकात प्रा. दिप्ती पाटगावकर यांनी पोषण बागेत प्रात्यक्षिक देऊन बाग तयार करण्याविषयी मार्गदर्शन केले. कार्यक्रमाचे सुत्रसंचलन कृषि पर्यवेक्षक श्री. घसिंग यांनी केले तर आभार तालुका कृषि अधिकारी श्री. अभय वडकुते यांनी केले. कार्यक्रमात १५० पेक्षा जास्‍त शेतकरी बांधव, शेतकरी महिला सहभागी झाले होते. कार्यक्रम यशस्वीतेसाठी कृषि विज्ञान केंद्र, खामगाव, कृषि विभाग व आत्मा येथील अधिकारी व कर्मचारी तसेच कु. अश्विनी म्हस्के, मंडळ कृषि अधिकारी, जातेगाव यांनी परिश्रम घेतले.

मौजे कोल्हावाडी येथे कृषिकन्यांनी राबविला बीजप्रक्रिया प्रात्‍यक्षिक कार्यक्रम

वसंतराव नाईक मराठवाडा कृषि विद्यापीठातील परभणी कृषि महाविद्यालयाच्या ग्रामीण जागरूकता कार्यानुभव कार्यक्रमा अंतर्गत मौजे कोल्‍हावाडी येथे दिनांक २७ जुन रोजी कृषिकन्यांनी सोयाबीन बीज प्रक्रियेचे प्रात्‍यक्षिक दाखविण्‍यात आले. बीज प्रक्रिया करण्‍याची शास्‍त्रशुध्‍द पध्‍दती व त्याचे फायदे तसेच पिकांच्या व मातीच्या आरोग्यासाठी जैविक बीजप्रक्रियेचे महत्त्व यावर माहिती दिली. याप्रसंगी बुरशीनाशक - ट्रायकोडर्मा तसेच जीवाणु संवर्धक रायझोबियम यांची बीजप्रक्रिया कृषिकन्या ज्योती लगड व मयुरी इंगळे यांनी सोयाबीन बीजप्रक्रिया प्रात्यक्षिक करून दाखवले. कृषिकन्या काळे, कुलकर्णी, कऱ्हाळे, जैस्वानी, खैरे, कदम, कणखर आदींनी सहकार्य केले. सदरिल उपक्रम प्राचार्य डॉ. सय्यद इस्माईल, रावे समन्वयक डॉ. राजेश कदम, रावे केंद्रप्रमुख डॉ. चंद्रकांत लटपटे, सहसमन्‍वयक डॉ प्रविण कापसे, कार्यक्रम अधिकारी डॉ. अनंत लाड आदींच्‍या मार्गदर्शनाखाली राबविण्‍यात येते आहे. कार्यक्रमास माजी सरपंच श्री.विठ्ठल भिसे यांच्‍यासह गावांतील शेतकरी उपस्थित होते.

Monday, June 27, 2022

मौजे वाडीदमई येथे महिला सक्षमीकरण चर्चासत्र संपन्‍न

महाराष्‍ट्र शासनाचा कृषि विभाग, आत्‍मा परभणी आणि वसंतराव नाईक मराठवाडा कृषि विद्यापीठ यांच्‍या संयुक्‍त विद्यमाने दिनांक २७ जून रोजी मौजे. वाडीदमई (जिल्हा परभणी) येथे कृषी संजीवनी महोत्सवांतर्गत महिला सक्षमीकरण चर्चासत्राचे आयोजन करण्‍यात आले होते. कार्यक्रमास प्रमुख वक्‍ते म्‍हणुन विस्‍तार कृषी विद्यावेत्‍ता डॉ. गजानन गडदे हे उपस्थित होते तर अध्यक्षस्‍थानी सरपंच श्रीमती लताबाई तरटे या होत्‍या, उपसरपंच श्री विश्वनाथ तरटे, पोलीस पाटील लक्ष्मण बिडकर, प्रगतशील महिला शेतकरी अनुराधाताई, उत्तमराव तरोटे, बाळासाहेब गायकवाड, दत्तराव गायकवाड, प्रकाश तरोटे, मुंजाजी गायकवाड, गवण मोगरे, अनिताताई आदींची प्रमुख उपस्थिती होती.

मार्गदर्शनात डॉ गजानन गडदे म्‍हणाले की, शेतीतील बीज प्रक्रिये पासुन ते काढणी, साठवणुक आदी प्रत्‍येक कामात महिलांचा मोलाचा वाटा असतो, त्‍यामुळे शेतकरी महिलांनी सुधारित तंत्रज्ञान समजुन घ्‍यावे. प्रक्रिया उद्योग, गृह उद्योग आदीच्‍या माध्‍यमातुन कुटुबांला आर्थिक पाठबळ देऊन शकतात, असे सांगुन सोयाबीन लागवड तंत्रज्ञानाबाबत सविस्‍तर मार्गदर्शन केले.

श्रीमती स्वाती घोडके यांनी महिलांना कृषी तंत्रज्ञान व्यवस्थापन यंत्रणा आत्मा अंतर्गत महिला गटस्थापन करण्‍याविषयी मार्गदर्शन केले तर श्रीमती सुप्रिया धबाले संकटग्रस्त महिला निवारण केंद्र सदस्य वन स्टॉप सेंटर यांनी महिलांना महिला निवारण केंद्र विषयी माहिती दिली.  

कार्यक्रमाचे सूत्रसंचालन आत्‍मा सहाय्यक तंत्रज्ञान व्‍यवस्‍थापक श्रीमती स्वाती घोडके यांनी केले तर आभार कृषी सहाय्यक श्री. एस. जे. आनेराव कृषी मानले. कार्यक्रम यशस्वीतेसाठी कृषी पर्यवेक्षक श्री. बी. एम. मुंडे, श्रीमती राधा कदम आदी सहकार्य केले.  कार्यक्रमास गावातील महिला शेतकरी, शेतकरी बांधव मोठया संख्‍येने उपस्थित होते.

Sunday, June 26, 2022

मौजे इंदेवाडी येथे पशुचे लसीकरण संपन्‍न

वसंतराव नाईक मराठवाडा कृषि विद्यापीठातील परभणी कृषि महाविद्यालयाच्‍या ग्रामीण जागरूकता कार्यानुभव कार्यक्रमांतर्गत मौजे इंदेवाडी येथे पशुंना घटसर्प आणि फऱ्या रोग प्रतिबंधक लसीकरण मोहीम दिनांक २५ रोजी राबविण्यात आली. कार्यक्रमास पशुधन विकास अधिकारी डॉ. आडे, डॉ. अमोल कच्छवे, डॉ. रतन कच्छवे, सरपंच संदीप कच्छवे, रतन कच्छवे, संजय सिसोदे आदींची प्रमुख उपस्थिती होती.

कार्यक्रमात डॉ आडे, डॉ अमोल कच्‍छवे आणि डॉ रतन कच्‍छवे यांनी लसीकरण व जनावरांचे पावसाळात घ्‍यावयाची काळजी याबाबत मार्गदर्शन केले. याप्रसंगी कृषीदुतांनी पशुपालकांना भिंतीफलकावर व तक्त्याद्वारे जनावरांच्या रोगांविषयी माहिती दिली. सदरिल कार्यक्रम शिक्षण संचालक डॉ. डी. एन. गोखले, प्राचार्य डॉ. सय्यद इस्माईल, रावे समन्‍वयक डॉ राजेश कदम, कार्यक्रम अधिकारी डॉ एस आर जक्‍कावाड यांच्‍या मार्गदर्शनाखाली घेण्‍यात आला. कार्यक्रम यशस्‍वीतेसाठी रावेच्‍या कृषिदुतांनी परिश्रम घेतले.

Saturday, June 25, 2022

अधिक उत्पादनासाठी सोयाबीनची लागवड बीबीएफ पद्धतीने करावी ....... विस्‍तार कृषि विद्यावेत्‍ता डॉ. गजानन गडदे

मासिक चर्चासत्रांतर्गत शेतक-यांच्‍या शेतावर भेट व मार्गदर्शन

वसंतराव नाईक मराठवाडा कृषि विद्यापीठातील कृषि तंत्रज्ञान माहिती केंद्र आणि कृषि विभाग यांच्‍या संयुक्‍त विद्यमाने दिनांक २४ जुन रोजी जिल्हा मासिक चर्चासत्रा अंतर्गत परभणी जिल्ह्यातील पाथरी तालुक्यामधील मौजे पोहेटाकळी, जैतापुरवाडी, खेर्डा, वडी आणि बोरगव्हाण या ठिकाणी शेतक-यांच्या शेतावर प्रत्यक्ष भेटी देऊन मार्गदर्शन करण्यात आले.

कार्यक्रमास हिंगोली मतदार संघाचे आमदार मा. श्री. तानाजीराव मुटकुळे, विस्‍तार कृषि विद्यावेत्‍ता डॉ गजानन गडदे, कीटकशास्त्रज्ञ डॉ. दिगंबर पटाईत, डॉ. काकडे, कृषि उपसंचालक श्री. बी. एस. कच्छवे, तालुका कृषि अधिकारी श्री. वी. टी. शिंदे, श्री. प्रभाकर बनसावडे, श्री.काळे, श्री.भिसे आदींची प्रमुख उपस्थिती होती.

बीबीएफ तंत्रज्ञानाबाबत मार्गदर्शन करतांना डॉ. गजानन गडदे  म्‍हणाले की, बीबीएफ पद्धतीने सोयाबीनची पेरणी केल्‍यास जास्त पाऊस पडल्यास बीबीएफच्या सऱ्याद्वारे हे पाणी वाहून जाते तर कमी पाऊस पडल्यास ते सऱ्यामध्ये जागच्या जागी मुरते, आणि पावसाचा खंड पडल्‍यास हेच पाणी पिकांना उपलब्‍ध होते. तसेच पिकामध्ये हवा खेळती राहत असल्यामुळे पारंपारीक पद्धतीपेक्षा २० टक्के अधिकचे उत्पादन मिळते.

सूत्रसंचालन मंडळ कृषी अधिकारी श्री भिसे यांनी केले तर आभार कृषी पर्यवेक्षक श्री ढगे यांनी मानले. कार्यक्रमास कृषि विभागाचे अधिकारी, कर्मचारी आणि शेतकरी मोठया संख्‍येने उपस्थित होते. 

जिल्‍हा मासिक चर्चासत्रांतर्गत हिंगोली जिल्‍हयातील शेतकरी बांधवाच्‍या शेतावर प्रत्‍यक्ष भेट देऊन मार्गदर्शन

वसंतराव नाईक मराठवाडा कृषि विद्यापीठातील कृषि तंत्रज्ञान माहिती केंद्र आणि कृषि विभाग यांच्‍या संयुक्‍त विद्यमाने दिनांक २३ जुन रोजी जिल्हा मासिक चर्चासत्रा अंतर्गत हिंगोली जिल्ह्यातील सेनगाव तालुक्यातील मधील मौजे गोरेगाव, जामठी आणि चौंढी या ठिकाणी शेतक-यांच्या शेतावर प्रत्यक्ष भेटी देऊन मार्गदर्शन करण्यात आले. कार्यक्रमास हिंगोली मतदार संघाचे आमदार मा. श्री. तानाजीराव मुटकुळे, विस्‍तार कृषि विद्यावेत्‍ता डॉ गजानन गडदे, कीटकशास्त्रज्ञ डॉ. दिगंबर पटाईत, जिल्हा अधिक्षक कृषि अधिकारी श्री. शिवराज घोरपडे, उपविभागीय कृषि अधिकारी श्री. लाडके, कृषि विज्ञान केंद्राचे तज्ञ श्री. राजेश भालेराव, तालुका कृषि अधिकारी श्री.वळकुंडे, मंडळ कृषि अधिकारी श्री.विनायक पायघन आदींची प्रमुख उपस्थिती होती.

आमदार मा श्री तानाजीराव मुटकुळे मार्गदर्शनात म्‍हणाले की, शेतकरी बांधवांनी फळपिकांमध्‍ये कमी पाण्‍यात चांगले उत्‍पादन देणा-या सिताफळ पिकांची लागवड करण्‍याचा सल्‍ला दिला तर बीबीएफ तंत्रज्ञानाचा अधिकाधिक शेतक-यांनी वापर करण्‍याचे आवाहन केले.  

बीबीएफ तंत्रज्ञानाबाबत मार्गदर्शन करतांना डॉ. गजानन गडदे  म्‍हणाले की, बीबीएफ पद्धतीने सोयाबीनची पेरणी केल्‍यास जास्त पाऊस पडल्यास बीबीएफच्या सऱ्याद्वारे हे पाणी वाहून जाते तर कमी पाऊस पडल्यास ते सऱ्यामध्ये जागच्या जागी मुरते, आणि पावसाचा खंड पडल्‍यास हेच पाणी पिकांना उपलब्‍ध होते. तसेच पिकामध्ये हवा खेळती राहत असल्यामुळे पारंपारीक पद्धतीपेक्षा २० टक्के अधिकचे उत्पादन मिळते. कार्यक्रमास कृषि विभागाचे अधिकारी, कर्मचारी आणि शेतकरी मोठया संख्‍येने उपस्थित होते.

Thursday, June 23, 2022

परभणी कृषि महाविद्यालयाच्या छात्रसैनिकांचे नांदेड येथील एनसीसी शिबिरामध्ये आयोजित विविध स्‍पर्धेत यश


नांदेड येथील स्वामी रामानंद तिर्थ विद्यापीठात ५२ महाराष्ट्र बटालियन, एनसीसी नांदेड यांच्या वतीने दिनांक १२ ते २१ जून दरम्यान राष्ट्रीय छात्रसैनिकांकरिता वार्षिक प्रशिक्षण शिबीर आयोजित करण्यात आले  होते. यात विविध महावि़द्यालयातील ४५० छात्रसैनिक सहभागी झाले होते. या शिबिरामध्ये वसंतराव नाईक मराठवाडा कृषि विद्यापीठातील परभणी कृषि महाविद्यालयाच्‍या ६१ छात्रसैनिक सहभागी झाले होते. शिबिरामध्ये महाविद्यालयाच्या छात्र सैनिंकांनी विविध स्पर्धामध्ये घवघवीत यश संपादन केले. यामध्ये ड्रिल, शस्त्र कवायत, फायरिंग, फ्लॅग एरिया, पारंपरिक वेशभूषा, बेस्ट कॅडेट, बेस्ट हार्डवर्कर, हॅन्डरायटिंग, टेबल ड्रिल आदीमध्‍ये प्राविण्य मिळविले. शिबिरामध्ये महाविद्यालयाच्या छात्रसेना अधिकारी लेफ्टनंट डॉ. जयकुमार देशमुख यांनी अल्फा कंपनी कमांडर म्हणून जबाबदारी सांभाळली. सिनियर अंडर ऑफिसर अक्षय गुट्टे, प्रकाश पाचनकर, धनराज ठाकूर, वृषभ रणवीर, आदित्य बेहाडे, सौरभ, शशिकांत, आशिष, पवन, गजानन, प्रसन्न, श्रीकृष्ण, सुशांत, निवृत्ती, प्रकाश, लक्ष्मण आदींनी पारितोषके पटकावली. कमांडिंग ऑफिसर कर्नल एम रंगराव यांच्या हस्ते पारितोषिक वितरण करण्यात आले. यशाबाबत वसंतराव नाईक मराठवाडा कृषि विद्यापीठाचे कुलगुरू मा डॉ. प्रमोद येवले, संचालक शिक्षण डॉ धर्मराज गोखले, सहयोगी अधिष्ठाता डॉ. सय्यद इस्माईल, जिमखाना उपाध्यक्ष डॉ. संजीव बंटेवाड आदींनी छात्रसैनिकांचे अभिनंदन केले.

Wednesday, June 22, 2022

एकात्मिक शेती पध्दतीचा अवलंब केल्‍यास आर्थिक स्‍थैर्य प्राप्‍त होईल .... डॉ. दत्तप्रसाद वासकर

मौजे आडगाव (ता. पालम जि. परभणी) येथील दत्‍तक शेतकरी बांधवा विद्यापीठ विकसित वाणाच्‍या बियाण्‍याचे वाटप

विद्यापीठ विकसित पिकाचे वाण तसेच विविध पीक पध्दती, शेतीतील आधुनिक तंत्रज्ञान शिफारसींचा अवलंब करून पीक पध्दतीमध्ये बदल करणे आवश्यक आहे. शेतकरी बांधवानी एकात्मिक शेती पध्‍दतीचा अवलंब करण्‍यास उत्‍पादनात वाढ होईल आर्थिक स्‍थैर्यही प्राप्‍त होईल, असे प्रतिपादन संशोधन संचालक डॉ. दत्तप्रसाद वासकर यांनी केले.

वसंतराव नाईक मराठवाडा कृषी विद्यापीठातील अखिल भारतीय कोरडवाहू शेती संशोधन प्रकल्‍पांतर्गत “कोरडवाहू एकात्मिक शेती पद्धती” योजनेच्‍या वतीने देशाचा आझादी का अमृत महोत्सवाचे औचित्‍य साधुन दिनांक १० जुन रोजी खरीप पूर्व हंगाम नियोजन बैठक व कार्यशाळेचे आयोजन करण्‍यात आले होते, त्‍याप्रसंगी अध्‍यक्षीय भाषणात ते बोलत होते. कार्यक्रमास प्रमुख पाहूणे सरपंच (आडगाव) श्री. बालासाहेब ढोले, उपसरपंच श्री रमाकांत पौडशेट्टे हे उपस्थित होते तर मुख्यशास्त्रज्ञ डॉ. वासुदेव नारखेडे, श्री. रावसाहेब राऊत, डॉ. मदन पेंडके आदींची प्रमुख उपस्थिती होती.

कार्यक्रमा सरपंच श्री. बालासाहेब ढोले, उपसरपंच श्री. रमाकांत पौडशेट्टे, श्री. मोतीराम ब्याळे आदींनी गावात राबविण्यात येत असलेल्या योजनेबद्दल आपले अनुभव सांगितले. 

निवडक शेतकऱ्यांना खरीप पिकांचे विद्यापीठ विकसित वाण सोयाबीन (एमएयुएस-१५८), तुर (बीडीएन-७११, ७१६), मुग (बीएम-२००३-०२) खरीप ज्वारी (पीकेव्‍ही-१००९) आदींचे वाटप करण्यात आले आहे. कार्यक्रमाचे सुत्रसंचलन डॉ. पपीता गौरखेडे यांनी केले तसेच आभार श्रीमती आम्रपाली गुंजकर यांनी मानले. कार्यक्रम यशस्वीतेसाठी बालासाहेब घोलप, विनायक रिठे, संतोष धनवे, मोरेश्वर राठोड, सुमित सुर्यवंशी, दिपक भुमरे आदींनी परिश्रम घेतले.  

मौजे आडगाव (ता. पालम जि. परभणी) येथे २०१८-१९ पासून हैद्राबाद येथील केंद्रीय कोरडवाहू संशोधन संस्‍थे आणि विद्यापीठातील अखिल भारतीय कोरडवाहू शेती संशोधन प्रकल्प यांच्या संयुक्त विद्यमाने “कोरडवाहू एकात्मिक शेती पद्धती” ही योजना राबविण्यात येत आहे. योजनेअंतर्गत गावातील २८ शेतकऱ्यांची निवड करण्यात आलेली आहे. निवडक शेतकऱ्यांना खरीप पिकांचे विद्यापीठ विकसित वाण सोयाबीन (एमएयुएस-१५८), तुर (बीडीएन-७११, ७१६), मुग (बीएम-२००३-०२) खरीप ज्वारी (पीकेव्‍ही-१००९) आदींचे वाटप करण्यात आले आहे. कोरडवाहू हवामान बदलानुरुप परिस्थितीत कोरडवाहू शेतीचे व्यवस्थापन ही पुस्तिका गावातील शेतकरी बंधुंना वाटप करण्यात आली. योजनेअंतर्गत शेतीशी जोडधंदा म्हणून शेळीपालन व कुक्कुटपालन यासंबंधीत शेतकऱ्यांना वेळोवेळी मार्गदर्शन करण्यात आले. एकात्मिक शेती पध्‍दतीचा प्रचार व प्रसार करण्‍यात येतो. याचबरोबर पाण्याची उपलब्धता वाढविण्याच्या दृष्टीने विहीर तसेच कुपनलिका पुनर्भरण, बांबुच्या लागवडीविषयी मार्गदर्शन केले. मृदाशास्त्रज्ञ डॉ. पपीता गौरखेडे यांनी पावसाळ्यापूर्वी शेतकऱ्यांच्या शेतावरील मातीचे नमुणे पृथ्थकरणासाठी घेतले. 

Tuesday, June 21, 2022

वनामकृवित जागतिक योग दिन उत्‍साहात साजरा

वसंतराव नाईक मराठवाडा कृषि विद्यापीठातील विद्यार्थी कल्‍याण अधिकारी कार्यालयाच्‍या वतीने राष्‍ट्रीय सेवा योजने अंतर्गत दिनांक २१ जुन रोजी जागतिक योग दिन उत्‍साहात साजरा करण्‍यात आला. कार्यक्रमाच्‍या अध्‍यक्षस्‍थानी शिक्षण संचालक डॉ धर्मराज गोखले हे होते तर प्राचार्य डॉ सय्यद ईस्‍माइल, प्राचार्य डॉ उदय खोडके, प्राचार्य डॉ गिरिधर वाघमारे, प्राचार्या डॉ जया बंगाळे, सहयोगी अधिष्‍ठाता (निम्‍न शिक्षण) डॉ गजेंद्र लोंढ, विद्यार्थी कल्‍याण अधिकारी डॉ सचिन मोरे आदींची प्रमुख उपस्थिती होती. 

अध्‍यक्षीय भाषणात डॉ धर्मराज गोखले म्‍हणाले की, आज संपुर्ण जगात योग दिन साजरा करण्‍यात येत आहे. नियमित योगाचा सराव केल्‍याने जीवनातील ताणतणाव कमी होण्‍यास मदत होते. व्‍यक्‍ती अधिक कार्यक्षमतेने कार्य करू शकतो. योग व आसन हे आपल्‍या जीवनशैलीचा भाग झाला पाहिजे असे ते म्‍हणाले.

याप्रसंगी ऑर्ट ऑफ लिविंगचे योगशिक्षक प्रा. दिवाकर जोशी, डॉ सुब्बाराव, शरद डोलारकर, सुनिल बोरवते, महेश दशरते, गजानन कोरळवार, देवश्री हमदापुरकर, अर्चना घनवट आदींच्‍या मार्गदर्शनानुसार विविध आसने, प्राणायाम आदींचे सामुदायिकरित्‍या प्रात्‍यक्षिके करण्‍यात आली. 

कार्यक्रमात योगशिक्षण शरद डोलारकर यांनीही मार्गदर्शन केले. प्रास्‍ताविकात डॉ सचिन मोरे यांनी यावर्षीच्‍या जागतिक योग दिनाचे घोष वाक्‍य मानवतेसाठी योग असल्‍याचे सांगितले. सुत्रसंचालन डॉ आशाताई देशमुख यांनी केले. कार्यक्रमात विद्यापीठातील अधिकारी, कर्मचारी, विद्यार्थी आणि राष्‍ट्रीय सेवा योजनेचे स्‍वयंसेवक आदींनी मोठया संख्‍येने सहभागी झाले होते. कार्यक्रम यशस्‍वीतेकरिता विद्यार्थी कल्‍याण अधिकारी कार्यालयातील डॉ डी एफ राठोड, डॉ चव्‍हाण आदीसह कर्मचा-यांनी परिश्रम घेतले.






Sunday, June 19, 2022

ग्रामीण जागरुकता कार्यानुभव कार्यक्रमांतर्गत मौजे मंगरूळ येथे पशु लसीकरण कार्यक्रम संपन्‍न

वसंतराव नाईक मराठवाडा कृषी विद्यापीठातील परभणी कृषी महाविद्यालय, रेशीम संशोधन केंद्र आणि जिल्हा पशु वैदयकिय विभाग यांच्या संयुक्त विद्यमाने ग्रामीण जागरुकता कार्यानुभव कार्यकम अंतर्गत दिनांक १५ जून रोजी मौजे मंगरूळ (ता. मानवत) येथे घटसर्प व फऱ्या रोग प्रतिबंध पशु लसीकरण कार्यक्रम राबविण्यात आला. 

कार्यक्रमाच्या अध्यक्षस्थानी सरपंच जमीर पठाण हे होते तर प्रमुख पाहुणे पशू वैद्यकीय महाविद्यालयाचे सहयोगी अधिष्ठाता डॉ. एन. एम. मार्कंडेय उपस्थित होते. पशु पराजीवीशास्त्र विभाग प्रमुख डॉ. नरळदकर, पशुधन विकास अधिकारी डॉ. मोहम्मद माजीद, डॉ. दिपाली कांबळे, डॉ. पी. आर. पाटील, रेशीम संशोधन योजनेचे प्रमुख डॉ. चंद्रकांत लटपटे, डॉ. आर. के. पाटील, कार्यक्रम अधिकारी डॉ. विक्रम घोळवे आदींची प्रमुख उपस्थिती होती.

कार्यक्रमात पशु लसीकरणाचे महत्व यावर डॉ. एन. एम. मार्कंडेय यांनी मार्गदर्शन केले तर डॉ. नारळदकर यांनी ५ टक्के निंबोळीचा अर्क वापर करुन गोचीड निर्मूलनाबाबत मार्गदर्शन केले. डॉ. चंद्रकांत लटपटे यांनी रेशीम उद्योगाबाबत शेतकऱ्यांना मार्गदर्शन केले.

सद‍र कार्यक्रम प्राचार्य डॉ. सय्यद इस्माईल,रावे समन्‍वयक डॉ राजेश कदम, सहसमन्‍वयक डॉ प्रविण कापसे यांच्या मार्गदर्शनाखाली आयोजीत करण्‍यात आला होता. लसिकरण कार्यक्रमांतर्गत गावातील पशूंचे मोफत लसीकरण करण्यात आले. कार्यक्रमाचे प्रास्ताविक डॉ. विक्रम घोळवे यांनी केले. सूत्रसंचलन डी डी माने  यांनी केले तर आभार वी एन लोंढे यांनी मानले. कार्यक्रमाच्या यशस्वीतेसाठी  कृषीकन्या के. जी. पन्नमवाड, बी. एम. माने, पी. ए.मोकाशे, टी टी.मुनघाटे, पी.के मगर, पी. एस.मगर, वी.बी.माने, जे.पी.मोरे, वी.एम.नखाते, पी. एम.पदमगीरवार, एच.वी.पांगरकर, एच.एस.पवार आदींनी परिश्रम घेतले. कार्यक्रमास गावातील शेतकरी मोठया संखेने उपस्थित होते.