नाहेप प्रकल्‍पांतर्गत प्रशिक्षणाचे उदघाटन
वसंतराव नाईक मराठवाडा कृषि विद्यापीठातील जागतिक बॅक व राष्ट्रीय कृषी उच्च शिक्षण प्रकल्प – नाहेप प्रकल्‍पाच्‍या विद्यमाने स्मार्ट कॅमेरा आणि पायथॉन संगणक आज्ञावलीचा कृषी संशोधनासाठी उपयोग या विषयावर दि. १ ते १० सप्‍टेबर दरम्‍यान प्रशिक्षण आयोजित करण्‍यात आले असुन प्रशिक्षण उदघाटनाचे दिनांक १ सप्‍टेंबर रोजी झाले.
उदघाटनास खरगपूर येथील आयआयटीचे शास्त्रज्ञ डॉ. राजेंद्र माचावरम हे प्रमुख पाहुणे म्हणुन उपस्थित होते तर अध्यक्षस्‍थानी हैद्राबाद येथील सॅरोन डिजीटेक संचालक श्रीमती अरुंधती पांडव या होत्या. प्रकल्प अन्‍वेषक डॉ. गोपाळ शिंदे, कृषि हवामान शास्त्रज्ञ डॉ. कैलास डाखोरे यांची प्रमुख उपस्थिती होती.
मार्गदर्शनात शास्त्रज्ञ डॉ. राजेंद्र माचावरम म्हणाले की, आधुनिक तंत्रज्ञान जसे की स्मार्ट कॅमेरा, सेन्सर यांचा वापर कृषी क्षेत्रातील उत्पादकता वाढीसाठी आवश्यक झाले आहे. स्मार्ट कॅमे-याचा वापर करताना वेगवेगळ्या संगणक आज्ञावलीची माहिती असणे आवश्यक आहे. यामध्ये सी, सीप्लसप्लस, जावा, पायथॉन या आज्ञावलीचा समावेश होतो. पायथॉन अज्ञावली इतरांच्या तुलनेने समजण्यासाठी व वापर करण्यासाठी सोपी आहे. तरी यांचा अधिकाधिक वापर कृषी संशोधनासाठी करावा असे त्यांनी आवाहन केले.
अध्यक्षीय समारोपात श्रीमती अरुंधती पांडव यांनी सॅरोन डिजीटेक, हैद्राबाद यांच्या वतीने नाहेप प्रकल्पात होत असलेल्या विविध अॅप्स, संशोधन प्रकल्प या विषयी माहिती दिली. तसेच विद्यार्थ्यांनी प्रशिक्षण सत्राचा लाभ घेऊन त्याचा उपयोग कृषी संशोधनासाठी करावा असे आवाहन केले.
प्रकल्प अन्‍वेषक डॉ, गोपाळ शिंदे यांनी संशोधक विद्यार्थ्यांकरीता नाहेप प्रकल्पाअंतर्गत उपलब्ध प्रयोगशाळा, संशोधन कार्यक्षेत्र व स्वत:चे भविष्यात्मक डीजीटल तंत्रज्ञान करीअर निवडण्यास आव्हान केले व पायथॉन प्रोग्रामीगद्वारा रोबोट, ड्रोन व स्वंयचलीत यंत्रे कसे संशोधन कार्यात उपयुक्त ठरु शकतात याबाबत माहिती दिली. तसेच प्रकल्पामध्ये उपलब्ध असलेले स्मार्ट कॅमेरे, लिडार, रिअलसेन्स, मल्टिसेप्क्ट्रल कॅमेरा, झेड कॅमेरा इ. चा वापर कृषि संशोधनासाठी करावा असे आवाहन केले.
कार्यक्रमाची प्रास्‍ताविक डॉ. कैलास डाखोरे यांनी केले. सुत्रसंचालन इंजी. चेतन ऐस्के यांनी केले तर आभार इंजी. संजीवनी कानवटे यांनी मानले. प्रशिक्षणासाठी 40 पदव्युत्तर, आचार्य पदवी विद्यार्थी आणि शास्त्रज्ञ यांनी नोंदणी केलेली आहे. प्रशिक्षणांत हैद्राबाद येथील सॅरोन डिजीटेकचे संगणक अभियंता श्री. विनयकुमार कामादी आणि श्री. अनुज पनवेली, यांचे मार्गदर्शन लाभणार आहे. प्रशिक्षणासाठी कुलगुरू मा. डॉ. अशोक ढवण, नाहेप प्रकल्‍पाचे राष्ट्रीय प्रमुख संचालक मा. डॉ. आर. सी. अग्रवाल, राष्ट्रीय प्रकल्प प्रमुख डॉ. प्रभातकुमार, वनामकृविचे शिक्षण संचालक डॉ. धर्मराज गोखले यांनी शुभेच्छा दिल्या.
कार्यक्रमाच्या यशस्वीतेसाठी आयोजन सचिव इंजी. रवीकुमार कल्लोजी, इंजी अपुर्वा देशमुख, इंजी संजीवनी कानवटे, इंजी विश्वप्रताप जाधव, इंजी. गोपाळ रनेर यांनी परिश्रम घेतले. तांत्रिक सहाय्यक म्हणुन नाहेपचे इंजी. खेमचंद कापगते, डॉ. अनिकेत वाईकर, डॉ. हेमंत रोकडे, डॉ. अविनाश काकडे, डॉ. शिवराज शिंदे, रहिम खान, इंजी. चेतन ऐस्के, इंजी. शिवानंद शिवपुजे, इंजी. तनझिम खान, श्री. रामदास शिंपले, मुक्ता शिंदे, रेखा ढगे, श्री. मारोती रनेर, श्री. गंगाधर जाधव, श्री. प्रदिप मोकाशे व श्री. जगदीश माने आदींनी काम पाहिले.
