Tuesday, September 14, 2021

वनामकृविच्‍या वतीने ऑनलाईन रबी शेतकरी मेळाव्‍याचे आयोजन

वसंतराव नाईक मराठवाडा कृषि विद्यापीठातील विस्‍तार शिक्षण संचालनालय व कृषि विभाग (महाराष्‍ट्र राज्‍य) यांचे संयुक्‍त विद्यमाने मराठवाडा मुक्‍ती संग्राम दिनानिमित्‍त दिनांक १७ सप्‍टेंबर रोजी सकाळी ११.०० वाजता ऑनलाईन रबी शेत‍करी मेळाव्‍याचे आयोजन करण्‍यात आले असुन मेळाव्‍याचे उदघाटक म्‍हणुन राहुरी येथील महात्‍मा फुले कृषि विद्यापीठाचे माजी कुलगुरू मा डॉ योगेंद्र नेरकर यांची उपस्थिती लाभणार असुन पुणे येथील अटारीचे संचालक मा डॉ लाखन सिंग यांची विषेश उपस्थिती लाभणार आहे, कार्यक्रमाच्‍या अध्‍यक्षस्‍थानी कुलगुरू मा डॉ अशोक ढवण राहणार आहेत. मेळाव्‍याच्‍या तांत्रिक सत्रात ज्‍वार लागवडीवर डॉ एल एन जावळे, हरभरा लागवडीवर डॉ सी बी पाटील, रबी तेलवर्गीय पीके लागवडीवर डॉ एम के घोडके, करडई लागवडीवर डॉ जी डी गडदे, गहु लागवडीवर डॉ यु एम उमाटे आदींवर मार्गदर्शन करणार असुन शेतकरी बांधवाच्‍या कृषि विषयक तांत्रिक बाबींच्‍या शंकाचे समाधान विद्यापीठ शास्‍त्रज्ञ करणार आहेत. तरि ऑनलाईन मेळाव्‍यास जास्‍तीत जास्‍त शेतकरी बांधवानी सहभाग नोंदवावा असे आवाहन विस्‍तार शिक्षण संचालक डॉ डी बी देवसरकर, परभणी जिल्‍हा अधिक्षक कृषि अधिकारी श्री व्‍ही डी लोखंडे व मुख्‍य विस्‍तार शिक्षणाधिकारी डॉ व्‍ही बी कांबळे यांनी केले आहे. सदरिल मेळाव्‍यात ऑनलाईन सहभागी होण्‍यासाठी झुम मिंटींग आयडी ८११३७४१८३१ असुन पासवर्ड १२३४५. मेळाव्‍याचे प्रसारण विद्यापीठाचे युटयुब चॅनल https://www.youtube.com/user/vnmkv यावर करण्‍यात येणार आहे.