भारतीय हवामान विभाग, मुबई यांचेकडून प्राप्‍त झालेल्‍या हवामान अंदाजानुसार, मराठवाडा विभागामध्‍ये पुढील आठवडयात आकाश पुर्णतः ढगाळ राहून तुरळक ठिकाणी हलका ते मध्‍यम स्‍वरूपाचा पाउस
पडण्‍याची शक्‍यता आहे. कमाल तापमान २६.० ते ३०.० अंश सेल्‍सीअस राहील तर किमान तापमान २०.० ते २३.० अंश सेल्‍सीअस
राहील. वारा ताशी १०.० ते १७.० कि.मी. प्रति तास वेगाने वाहील. सकाळची सापेक्ष आर्द्रता ८४.० ते ९५.० टक्‍के तर दुपारची
सापेक्ष आर्द्रता ५४.० ते ८१.० टक्‍के राहील.
विशेष सुचना : या आठवडयात आकाश पुर्णतः ढगाळ राहून तुरळक ठिकाणी
हलका ते मध्‍यम स्‍वरूपाचा पाउस पडण्‍याची शक्‍यता आहे.
एकात्मिक कृषि हवामान सल्‍ला सेवा योजना, कृषि हवामानशास्‍त्र विभाग, व.ना.म.कृ. परभणी यांचा शेतकरी बांधवांना सल्‍ला
- खरीप ज्‍वारीचे पिकात बुरशीजन्‍य रोगाचा प्रादूर्भाव दिसून येत आहे. त्‍याचे नियंत्रणासठी मॅंकोझेब २० ग्रॅम + स्‍टीकर १० मिली प्रति १० लिटर पाण्‍यात मिसळुन फवारणी करावी.
- सोयाबीनचे पिकात पानेखाणा-या आळीचा प्रादूर्भाव दिसून येत आहे. त्‍याच्‍या नियंत्रणासाठी इमामेक्‍टीन बेंझोएट ५ टक्‍के ४ ग्रॅम प्रति १० लिटर पाण्‍यात मिसळुन फवारणी करावी. चक्री भुंग्‍यांचा प्रादूर्भाव दिसून येत असल्‍यास ट्रायझोफॉस ४ टक्‍के २० मिली प्रति १० लिटर पाण्‍यात मिसळुन फवारणी करावी.
- बागायात/जीरायत कापूस पिकात तुडतुडे व पांढ-या माशीचा प्रादूर्भाव दिसून येत असल्‍यास त्‍याच्‍या नियंत्रणासाठी अॅसिफेट ७५ टक्‍के २० ग्रॅम प्रति लिटर पाण्‍यात मिसळून पहिली फवारणी करावी. पहिली फवारणी केली असल्‍यास या किडीच्‍या नियंत्रणासाठी असिटामेप्रीड २० टक्‍के ४ ग्रॅम प्रति १० लिटर पाण्‍यात मिसळुन दुसरी फवारणी करावी.
- नविन लागवड केलेल्‍या आंबा बागेत पावसाचे साचलेले पाणी चर खोदून काढून टाकावे. कलम केलेल्‍या जागेवर बोर्डो मलम लावावा. प्रत्‍येक कलमास ५० ग्रॅम नत्राची मात्रा द्यावी.
- पावसाचे पाणी साचले असल्‍यास चर खोदून पाणी बाहेर काढून द्यावे. मृगबाहार धरलेल्‍या बागेला नत्राचा दुसरा हप्‍ता प्रत्‍येक ५०० ग्रॅम प्रति झाड द्यावा. बुरशीजन्‍य रोगाचे नियंत्रणासाठी बोर्डोमिश्रण १ टक्‍के ची फवारणी करावी. नविन लागवड केलेल्‍या बागेस ट्रायकोडर्माची ड्रेचिंग १० ग्रॅम प्रति १० लिटर पाण्‍यात मिसळुन १/२ लिटर प्रति झाड करावी.
- मिरची पिकात फुलकिंडयांच्‍या नित्रंणासाठी फिप्रोनिल ५ टक्‍के २० मिली प्रति १० लिटर पाण्‍यात मिसळुन फवारणी करावी. व बुरशीजन्‍य रोगाच्‍या नियंत्रणासाठी कार्बेंडॅझीन १० ग्रॅम प्रति १० लिटर पाण्‍यात मिसळुन फवारणी करावी.
- या वर्षी पर्जन्‍यामाण चांगले आहे. पाउस सरासरीपेक्षा जास्‍त पाउस पडत आहे. त्‍यामुळे शेतामधील सखल भागात जास्‍त पाणी साठुन पिके पिवळी पडत आहेत. त्‍यासाठी सखल भागातुन पाण्‍याचा योग्‍य प्रकारे निचरा होण्‍यासाठी पाणथळ भागातुन वर काढून पाणी बाहेर काढावे.
सौजन्य
केंद्र प्रमुख
एकात्मिक कृषि हवामान सल्‍ला सेवा योजना
कृषि
हवामानशास्‍त्र विभाग, व.ना.म.कृ. परभणी
पञक क्रमांकः ३३
दिनांकः ०६.०८.२०१३
