Saturday, August 3, 2019

वनामकृवित बौद्धीक संपदा हक्क विषयावर प्रशिक्षण संपन्न

वसंतराव नाईक मराठवाडा कृषि विद्यापीठ, परभणी येथे दिनांक ऑगस्ट रोजी कृषि संशोधन व शिक्षणात बौद्धिक संपदा हक्काचे महत्व या विषयावर प्रशिक्षण आयोजीत करण्यात आले होते. प्रशिक्षणा ग्रेट मिशन ग्रुप कंन्सल्टन्सीचे अध्यक्ष प्रा. गणेश हिंगमिरे यांनी मार्गदर्शन केले.
कार्यक्रमाच्या अध्यक्षस्थानी कुलगुरू मा डॉ अशोक ढवण हे होते तर संचालक संशोधन डॉ. दत्तप्रसाद वासकर यांची प्रमुख उपस्थिती होती. प्रा. हिंगमिरे यांनी कृषी विद्यापीठाने मोठया प्रमाणात कृषी संशोधन केले आहे, भारतीय चलनाचा परदेशात जाणारा ओघ कमी करण्याकरिता कृषि क्षेत्रात बौद्धिक संपदा हक्क प्राप्त करणे गरजेचे आहे. यामुळे भविष्यात कृषी विद्यापीठे आर्थिकदृष्ट्या सक्षम होऊ शकतात.
अध्यक्षीय भाषणात कुलगुरू मा डॉ. अशोक ढवण यांनी कृषिशी निगडीत बाबींचे पेटेंन्ट मिळविणे गरजेचे असून विद्यापीठाचे राष्ट्रीय व आंतरराष्ट्रीय पातळीवर मानांकन उंचविण्यास मदत होईकार्यक्रमाचे प्रास्ताविक डॉ. दत्तप्रसाद वासकर यांनी केले. सुत्रसंचलन डॉ. विणा भालेराव यांनी तर आभार प्रदर्शन डॉ एम एस पेंडके यांनी केले. कार्यक्रमास विद्यापीठातील सर्व महाविद्यालयाचे सहयोगी अधिष्ठाता व प्राचार्यसंशोधन केंद्राचे प्रभारी अधिकारीविभाग प्रमुखप्राध्यापक व अधिकारी उपस्थित होते.