Monday, April 7, 2014

जागतिक आरोग्य दिनानिमित्त स्वता:तील उणिवांची होळी

गृह विज्ञान महाविद्यालयातील अनोखा उपक्रम


वसंतराव नाईक मराठवाडा कृषि विद्यापीठातंर्गत असलेल्‍या गृह विज्ञान महाविद्यालयातील मानव विकास विभाग व अन्‍न आणि पोषण विभागातर्फे दिनांक 7 मार्च रोजी जागतिक आरोग्‍य दिन साजरा करण्‍यात आला. यानिमित्‍त कर्मचारी व विद्यार्थ्‍यांनी स्‍वत:तील शारीरिक व मानसिक उणिवां गुप्‍तता राखुन कागदावर मांडल्‍या व त्‍या उणिवांची होळी करण्‍यात आली. तसेच महाविद्यालयीन विद्यार्थी व कर्मचा-यांच्‍या वजनाची नोंद घेऊन आदर्श शारीरिक वजनासाठी योग्‍य ती काळजी घेण्‍याचा दृढ संकल्‍प करण्‍यात आला. हा कार्यक्रम प्राचार्या प्रा. विशाला पटनम यांच्‍या मार्गदर्शनाखाली घेण्‍यात आला. याप्रसंगी धारवाड (कर्नाटक) येथील अन्‍न व पोषण विभागाच्‍या विभाग प्रमुख डॉ पुष्‍पा भारती, डॉ विजया नलवडे व महाविद्यालयीन विद्यार्थी व कर्मचारी उपस्थित होते.