वनामकृवि अंतर्गत असलेल्या परभणी जिल्हयातील विविध
महाविद्यालये, विद्यालये व संशोधन केंद्र परिसरात तीस हजार वृक्ष लागवड मोहिमेस
प्रारंभ
कृषि दिनाचे औचित्य साधुन वसंतराव नाईक मराठवाडा
कृषी विद्यापीठांतर्गत असलेल्या परभणी जिल्हयातील विविध घटक व संलग्न महाविद्यालये,
विद्यालये व संशोधन केंद्रे येथील परिसरात तीस हजार वृक्ष लागवड करण्याचा संकल्प
करण्यात आला असुन दिनांक 1 जुलै पासुन त्याचा प्रारंभ कुलगुरू मा. डॉ. अशोक ढवण
यांच्या हस्ते करण्यात आला. यानिमित्त कृषि महाविद्यालच्या परिसरात राष्ट्रीय
सेवा योजना व राष्ट्रीय छात्रसेना यांच्या वतीने वृक्षदिंडी काढुन वृक्ष लागवड
करण्यात आली. या मोहिमेत शिक्षण संचालक डॉ विलास पाटील, संशोधन संचालक डॉ दत्तप्रसाद
वासकर, विस्तार शिक्षण संचालक डॉ प्रदिप इंगोले, कुलसचिव डॉ गजेंद्र लोंढे,
विद्यापीठ अभियंता डॉ अशोक कडाळे, प्राचार्य डॉ धर्मराज गोखले, प्राचार्य डॉ अरविंद
सावते, प्रभारी प्राचार्या डॉ विजया नलावडे, डॉ जी एम वाघमारे आदींसह विविध
विभागाचे विभाग प्रमुख, अधिकारी, कर्मचारी व विद्यार्थ्यी मोठया संख्येने सहभाग
नोंदविला. यावेळी आपल्या मार्गदर्शनांत कुलगुरू मा. डॉ. अशोक ढवण यांनी केवळ
वृक्ष लागवड नको तर वृक्ष संवर्धनाचा संकल्प करण्याचे आवाहन केले. उद्यानविद्या
विभाग, अन्नतंत्रज्ञान महाविद्यालय, सामाजिक विज्ञान महाविद्यालय व उद्यानविद्या
महाविद्यालयाच्या परिसरात मान्यवरांच्या हस्ते मोठया प्रमाणात वृक्ष लागवड
मोहिम राबविण्यात आली. या मोहिमेत अधिकारी, कर्मचारी व विद्यार्थ्यांनी मोठया
संख्येने सहभाग नोंदविला.
