वसंतराव नाईक मराठवाडा कृषि विद्यापीठातील जागतिक बॅक व भारतीय कृषी अनुसंधान परिषद पुरस्कृत राष्ट्रीय कृषी उच्च शिक्षण प्रकल्प (नाहेप) यांच्या वतीने संगणक प्रणालीचा कृषी क्षेत्रात उपयोग या विषयावर दिनांक 7 जुन ते 3 जुलै दरम्यान पदवी व पदव्युत्तर विद्यार्थी, विद्यापीठ शास्त्रज्ञ व प्राध्यापक यांच्याकरिता ऑनलाईन प्रशिक्षण आयोजित करण्यात आले असुन दिनांक 7 जुन रोजी प्रशिक्षणाचे उदघाटन झाले. उदघाटन कार्यक्रमाच्या अध्यक्षस्थानी प्रकल्पाचे मुख्य अन्वेषक डॉ गोपाल शिंदे हे होते तर प्रमुख पाहुणे म्हणुन पुणे एनसीएसचे प्रबंधक इंजी. अमित कामिटकर उपस्थित होते.
मार्गदर्शनात इंजी.
अमित कामिटकर म्हणाले की, संगणक प्रणालीचा कृषी क्षेत्रात वापर करण्यास मोठी
संधी असुन संगणक प्रणालीचा वापर करून शेतकरी बांधवाच्या गरजेनुसार छोटी छोटी
अवजारे तयार करू शकतो. प्रशिक्षणार्थी विद्यार्थ्यांनी संगणक प्रणालीवर आधारित
अवजारे निर्मितीबाबत संशोधन प्रकल्प तयार करण्याचे आवाहन त्यांनी केले.
या प्रसंगी डॉ.
गोपाळ शिंदे यांनी प्रशिक्षणार्थ्यांना नाहेपच्या विविध योजना व प्रशिक्षणाबद्दल
मार्गदर्शन केले. संशोधन सहयोगी इंजी. रवीकुमार कल्लोजी यांनी प्रशिक्षणाची माहिती
दिली. कार्यक्रमाचे सुत्रसंचालन इंजी. अपुर्वा देशमुख यांनी केले तर आभार डॉ.
अविनाश काकडे यांनी मानले.
सदरिल प्रशिक्षणाचे आयोजन नवी दिल्ली येथील नाहेप प्रकल्पाचे प्रमुख संचालक मा डॉ आर सी अग्रवाल, कुलगुरू मा डॉ अशोक ढवण, शिक्षण संचालक डॉ. धर्मराज गोखले यांच्या मार्गदर्शनाखाली घेण्यात येत असुन प्रशिक्षण वर्गात एनसीस, हैद्राबाद येथील इंजी. एम. संगीता, इंजी. कैलास जगताप, इंजी. कार्तीकेश कुमार, आणि इंजी. विवेक अशोकन आदी प्रशिक्षणार्थीनी मार्गदर्शन करणार आहेत. प्रशिक्षणासाठी देशभरातून पदव्युत्तर व आचार्य पदवीचे विद्यार्थ्यी व कृषि विद्यापीठ शास्त्रज्ञांनी सहभाग नोंदविला. कार्यक्रम यशस्वीतेसाठी इंजी शिवानंद शिवपुजे, इंजी गोपाळ रनेर, इंजी अपुर्वा देशमुख, इंजी खेमचंद कापगते, डॉ नरेंद्र खत्री, डॉ अनिकेत वाईकर, डॉ हेमंत रोकडे, रामदास शिंपले, रेखा ढगे, जगदीश माने आदींनी तांत्रिक सहाय्यक केले.
