देशाच्या स्वातंत्र्याचा अमृत महोत्सव व विद्यापीठ स्थापनेचे सुवर्ण महोत्सवी वर्षानिमित्त वसंतराव नाईक मराठवाडा कृषि विद्यापीठाच्या सामुदायिक विज्ञान महाविद्यालयातील राष्ट्रीय सेवा योजनेच्या वतीने दिनांक २५ जानेवारी रोजी राष्ट्रीय मतदार दिनाचे औजित्य साधुन सक्षम लोकशाहीसाठी निवडणुकांमध्ये मतदारांच्या नैतिक सहभागाचे महत्व या विषयावर ऑनलाइन कार्यक्रमाचे आयोजन आला होते. कार्यक्रमाच्या अध्यक्षस्थानी प्राचार्या डॉ जया बंगाळे या होत्या तर वरिष्ठ शास्त्रज्ञ डॉ शंकर पुरी व रासेयोचे कार्यक्रमाधिकारी डॉ विद्याधर मनवर यांची प्रमुख उपस्थिती होती.
अध्यक्षीय भाषणात प्राचार्य डॉ जया बंगाळे म्हणाल्या की, लोकशाहीच्या बळकटीकरणासाठी मतदारांनी जागरुक राहणे आवश्यक असून प्रत्येकांने मतदानाचा हक्क बजावला पाहिजे. कार्यक्रम अधिकारी डॉ. विद्यानंद मनवर यांनी मतदार दिन साजरा करण्याचा मुख्य उद्देश कोणताही पात्र व्यक्ती मतदानापासुन वंचीत राहु नये हा असल्याचा ते म्हणाले. कार्यक्रमासाठी वरिष्ठ शास्त्रज्ञ डॉ. शंकर पुरी यांचे तांत्रिक सहकार्य लाभले.
याप्रसंगी महाविद्यालयातील विद्यार्थ्यांनी स्थापन केलेल्या निवडणूक साक्षरता मंडळाचे कार्यकारी अध्यक्ष गणेश पाटेकर, उपाध्यक्ष सेजल वट्टमवार, सचिव तेजस चव्हाण, परिक्षेत्र प्रतिनिधी कृषांग देशमुख, विद्यार्थी प्रतिनिधी कु. दिव्या भगत, ऋतुजा तापडिया, वैष्णवी पंडित, मयूर मांगुळकर, विद्यार्थी प्रमुख अभिषेक मस्के यांनी निवडणुकांतील मतदान वाढीकरिता प्रयत्न करण्याचे आश्वासन दिले. कार्यक्रमास विद्यार्थी,शिक्षक व शिक्षकेतर कर्मचारी मोठ्या संख्येने सहभागी झाले होते.
