वनामकृवितील प्रायोगिक पूर्व प्राथमिक शाळेच्या वतीने आयोजित ‘आजी आजोबा महोत्सव’ उत्साहात साजरा
बालक
हेच देशाचे उज्वल भविष्य असल्याने त्यांचे उत्कृष्टपणे संगोपन होणे ही प्रत्येक कुटुंबाची जबाबदारी असल्याचे प्रतिपादन
कुलगुरू मा डॉ इन्द्र मणि यांनी केले. वसंतराव नाईक मराठवाडा कृषि विद्यापीठाच्‍या
सामुदायिक विज्ञान महाविद्यालयातील मानव विकास व कौटुंबिक अभ्यास विभागातील प्रायोगिक
पूर्व प्राथमिक शाळेच्या वतीने दिनांक १० सप्‍टेंबर रोजी ‘आजी
आजोबा महोत्सव’ उत्साहात साजरा करण्यात आला. कार्यक्रमाच्‍या अध्‍यक्षस्‍थानी
कुलगुरू मा डॉ इन्द्र मणि हे होते तर प्रमुख अतिथी म्‍हणुन माननीय कुलगुरू यांच्या
सुविद्य पत्नी श्रीमती जयश्री मिश्रा आणि शिक्षण
संचालक डॉ. उदय खोडके हे उपस्थित होते.
कुलगुरू
मा डॉ इन्द्र मणि पुढे म्‍हणाले की, बालकांना आजी आजोबांचा सहवास मिळणे म्हणजे त्यांचे फार
मोठे भाग्य असल्याने कुटूंबियांना याबाबत जाणीव असावी. अभ्यासाबरोबरच
विद्यार्थ्यांमध्ये विनयशीलता, नैतीकता, सहकार्याची भावना असे उत्तम गुण विकसित करण्याची
जबाबदारीही कुटूंबियांचीच आहे. पर्यावरणाचा समतोल राखण्याकरिता वृक्षसंवर्धन, पाण्याची
बचत, परिसर स्वच्छता याविषयी बालकांना गोष्टीच्या रुपात धडे
देण्याविषयी आजी आजोबांनी पुढाकार घेण्‍याचा सल्‍ला त्‍यांनी दिला.
मार्गदर्शनात
डॉ. उदय खोडके म्‍हणाले की, बालपणी
आजी आजोबांनी केलेल्या संस्काराचा पगडा कायम व्यक्तीवर राहत असल्याने आजी आजोबांचे
स्थान महत्वाचे आहे.
प्रास्‍ताविकात
सहयोगी अधिष्ठाता डॉ.जया बंगाळे यांनी बालकांच्या विकासात आजी आजोबांचे असणारे
योगदान याचा सन्मान राखण्यासाठी या महोत्सवाचे आयोजन महाविद्यालयातर्फे करण्याची
परंपरा असल्याचे सांगुन बालकांना आजी
आजोबांचे सान्निध्य लाभल्यास या बालकांचा उत्कृष्ट सर्वांगीण विकास होऊन ती बालके
अधिक प्रेमळ, नम्र ,आशावादी, दृढ निश्चयी व मानसिकदृष्ट्या अधिक सक्षम होतात असे संशोधनातून
स्पष्ट झाल्याचे नमूद केले.
कार्यक्रमात
शाळेच्या उत्कृष्ट नृत्य, नाटिका सादर केल्या. आजी व आजोबा यांच्या विषयी मनोगत
सादर केले. आजी आजोबांनी देखील त्याचे कलागूण सादर केले, यात भजन, गौळण, गीत
गायन, कविता वाचन,
संस्कृत श्लोक,
आजोबांनी तबला व हार्मोनियम वादन आदी कलागुण सादर केले. तसेच
आजी आजोबांसाठी मनोरंजक खेळांचे आयोजन करण्यात आले होते. विजयी आजी आजोबां ना
बक्षिस देऊन सन्मानित केले. सूत्रसंचालन डॉ. विणा भालेराव तर आभार शिक्षिका श्रुती
औंढेकर यांनी मानले. महोत्सवाच्या यशस्वीततेसाठी प्रा.प्रियंका स्वामी, प्रायोगिक
पूर्व प्राथमिक शाळेचे शिक्षक व शिक्षकेतर कर्मचारी यांनी उत्स्फूर्त सहभाग
नोंदवला.
