वसंतराव नाईक मराठवाडा कृषि विद्यापीठातील अधिकारी, प्राध्यापक, शास्त्रज्ञ, कर्मचारी व विद्यार्थ्यांना नियमित राष्ट्रीय व आंतरराष्ट्रीय पातळीवर शिक्षण, संशोधन व प्रशासकीय कामाकरिता डिजिटल प्लॅटफॉर्म नोंदणी करीता अधिकृत संस्थात्मक ई मेल आयडीची गरज लागते. या दृष्टीने विद्यापीठाच्या मध्यवर्ती संगणक केंद्राच्या वतीने सदरिल संस्थात्मक ई मेल आयडीची सुविधा सुरू करण्यात आली असुन दिनांक ८ ऑगस्ट रोजी कुलगुरू मा. डॉ. अशोक ढवण यांच्या हस्ते वितरणास ई मेल आयडी प्रारंभ करण्यात आला. यावेळी शिक्षण संचालक डॉ धर्मराज गोखले, कुलसचिव श्री रणजित पाटील आदींंची प्रमुख उपस्थित होती. सदरील सुविधा सुरु करण्यासाठी मध्यवर्ती संगणक केंद्राचे प्रभारी अधिकारी डॉ संतोष फुलारी व ग्रंथपाल डॉ संतोष कदम यांनी प्रयत्न केले.
