गोळेगांव येथील कृषि महाविद्यालयाचा ११ वा वर्धापन दिन उत्‍साहात साजरा

गोळेगांव (ता. औंढा नागनाथ जि. हिंगोली) : वसंतराव नाईक मराठवाडा कृषि विद्यापीठांतर्गत असलेल्‍या हिंगोली जिल्‍हयातील गोळेगांव येथील  कृषि महाविद्यालयास ११ वर्ष पूर्ण झाल्यानिमित्ताने दिनांक २५ जुलै रोजी महाविद्यालयाचा वर्धापन दिन साजरा करण्‍यात आला. कार्यक्रमाच्‍या अध्‍यक्षस्‍थानी कुलगुरू मा डॉ इन्द्र मणि हे होते तर व्‍यासपीठावर माजी कुलगुरु डॉ. के. पी. गोरे, जिल्हा अधिक्षक कृषि अधिकारी (हिंगोली) श्री. एस. अ. घोरपडे, संचालक शिक्षण डॉ. धर्मराज गोखले, कुलसचिव डॉ. धीरजकुमार कदम, नियंत्रक श्री. एन. एम. लांडगे, विद्यार्थी कल्याण अधिकारी डॉ. सचिन मोरे, विद्यापीठ अभियंता श्री दिपक काशाळकर आदींची प्रमुख उपस्थिती होती. याप्रसंगी कुलगुरू मा डॉ इन्‍द्र मणि यांच्‍या हस्‍ते उत्ती व पाने तपासणी प्रयोगशाळा, सौर ऊर्जा प्रकल्प व विद्यार्थ्यांकरिता बसचे उद्घाटन करण्यात आले.

मार्गदर्शनात कुलगुरू मा डॉ इन्‍द्र मणि म्‍हणाले की, कृषि शिक्षण घेणारे बहुतांश विद्यार्थी हे ग्रामीण भागातुन येतात. विद्यार्थ्‍यांची शैक्षणिक प्रगती व कला गुणांना व्‍यासपीठ उपलब्‍ध करून देण्‍याचे विद्यापीठाचा प्रयत्‍न असुन महाविद्यालयातील प्रयोगशाळेचे बळकटीकरण, सुसज्‍ज वसतीगृह सुविधा पुरविण्‍याकरिता विद्यापीठ कटिबध्‍द आहे.

माजी कुलगुरु डॉ. के. पी. गोरे यांनी गोळेगाव कृषि महाविद्यालय स्थापने विषयीच्या आठवणीना उजळा दिला. तर मनोगतात संचालक शिक्षण डॉ. धर्मराज गोखले म्‍हणाले की, गोळेगांव कृषी महाविद्यालयाची स्थापना माजी कुलगुरु डॉ. के. पी. गोरे यांच्‍या पुढाकाराने झाली.

प्रास्‍ताविकात सहयोगी अधिष्ठाता डॉ. बी. व्ही. आसेवार यांनी गोळेगांव कृषि महाविद्यालयाच्‍या स्थापनेपासून वाटचाली व विद्यार्थ्‍यांचे यश याविषयी माहिती दिली. सुत्रसंचालन डॉ. प्रविण राठोड यांनी केले तर आभार प्रा.एन.जी.कुऱ्हाडे यांनी मानले.

कार्यक्रमात प्रा डॉ. इन्‍द्र मणि यांना त्यांच्या कुलगुरूपदाच्या कारकिर्दीस एक वर्ष पूर्ण झाल्याच्या निमीत्ताने त्यांचा महाविद्यालयाच्‍या वतीने सत्कार करण्यात आला. कार्यक्रम यशस्वीतेकरिता महाविद्यालयातील प्राध्‍यापक, कर्मचारी व विद्यार्थी यांनी परिश्रम घेतले.

Celebrated 11th College Foundation Day of College of Agriculture, Golegaon

Inauguration of Leaf tissue analysis Lab, College Bus, 32 KW Solar system by the auspicious hand of  Hon'ble Vice Chancellor Dr Indra Mani.  Director of Instruction and Dean Dr D N Gokhale, Dr K P Gore, Former Vice Chancellor, Registrar Dr Dhirajkumar Kadam, Shri Deepak Kashalkar, University Engineer, Shri Narayan Ladge, Comptroller, Shri S A Ghorpade, DSAO Hingoli, Dr B V Asewar, ADP, Golegaon were present.  Felicitated Hon Vice Chancellor on eve completion of one year as Hon Vice Chancellor of the University.