वसंतराव नाईक मराठवाडा कृषि विद्यापीठातील ज्वार संशोधन केंद्रास दिनांक २५ फेब्रुवारी रोजी अकोला येथील डॉ. पंजाबराव देशमुख कृषि विद्यापीठाचे कुलगुरु मा. डॉ. विलास भाले यांनी भेट दिली. याभेटी दरम्यान त्यांनी या संशोधन केंद्रा अंतर्गत राबविल्या जाणा-या विविध प्रयोगांची व उपक्रमांची माहिती घेतली. प्रभारी अधिकारी डॉ. के. आर. कांबळे, डॉ. एल. एन. जावळे, डॉ. विक्रम घोळवे, डॉ. मोहम्मद ईलियास, प्रा. प्रितम भुतडा आदींनी प्रक्षेञावरील राबविण्यात येत असलेल्या विविध प्रयोग व संशोधनाची माहिती दिली. यावेळी ज्वारी पिकांतील करित असलेल्या संशोधनात्मक कार्याची त्यांनी कौतुक करून ज्वारीचे लागवडीचे क्षेत्र वाढीकरिता व संशोधनाच्या पुढील दिशा यावर मार्गदर्शन केले.
भेटीचे आयोजन कुलगुरू मा डॉ. अशोक ढवण व संशोधन संचालक डॉ. डि. पी. वासकर यांच्या मार्गदर्शनाखाली करण्यात आले. या भेटी दरम्यान संचालक शिक्षण डॉ. डि. एन. गोखले, गोळेगाव कृषि महाविद्यालयाचे प्राचार्य डॉ. बी. व्हि. आसेवार, डॉ. एन. डब्ल्यु. नारखेडे, डॉ. आर. व्हि. चव्हाण, डॉ. पी. के. वाघमारे, डॉ. मिलींद सोनकांबळे आदींची प्रमुख उपस्थिती होती.
