वसंतराव नाईक मराठवाडा कृषि विद्यापीठाच्‍या सुवर्ण महोत्‍सवी वर्षाचे औचित्‍य साधुन विद्यापीठाच्‍या माजी विद्यार्थ्‍यांचा कार्य गौरव सोहळाचे आयोजन दिनांक १८ एप्रिल रोजी सकाळी ११.०० वाजता परभणी कृषि महाविद्यालयाच्‍या सभागृह करण्‍यात आले आहे. सोहळाचे स्‍वागताध्‍यक्ष विद्यापीठाचे माजी विद्यार्थी तथा माननीय आमदार मा श्री. सुरेशराव वरपुडकर हे असुन कार्यक्रमाच्‍या अध्‍यक्षस्‍थानी कुलगुरू मा डॉ अशोक ढवण हे राहणार आहेत. कार्यक्रमास प्रमुख अतिथी म्‍हणुन अकोला येथील डॉ पंजाबराव देशमुख कृषि विद्यापीठाचे कुलगुरू मा डॉ विलास भाले हे उपस्थित राहणार आहे. महात्‍मा फुले कृषि विद्यापीठाचे माजी कुलगुरू डॉ योगेन्‍द्र नेरकर, विद्यापीठाचे माजी कुलगुरू डॉ वेदप्रकाश पाटील, माजी कुलगुरू डॉ किशनराव गोरे, शिक्षण संचालक डॉ धर्मराज गोखले, संशोधन संचालक डॉ दत्‍तप्रसाद वासकर, विस्तार शिक्षण संचालक डॉ देवराव देवसरकर आदींची प्रमुख उपस्थिती राहणार आहे.
