वसंतराव नाईक मराठवाडा कृषि विद्यापीठातील सामुदायिक विज्ञान महाविद्यालयातील मानव विकास व कौटुंबिक अभ्यास विभागात असणाऱ्या प्रायोगिक पूर्व प्राथमिक शाळेत नाताळ हा सण उत्साहात साजरा करण्यात आला. यानिमित्ताने प्राचार्य डॉ. जया बंगाळे यांनी उपस्थित विद्यार्थ्यांना शुभेच्छा देऊन येशु ख्रिस्त यांच्या मानवजाती करिता केलेल्या महान जीवन कार्याला उजाळा दिला. यावेळी विद्यार्थ्यांनी ख्रिसमस ट्री, स्नो मॅन, व सान्ताक्लॉज आदींचा वस्तु तयार करून सुंदर सजावट केली होती. कार्यक्रम यशस्वीतेसाठी प्रा. नीता गायकवाड, डॉ. वीणा भालेराव, प्रा. प्रियंका स्वामी व प्रायोगिक पूर्व प्राथमिक शाळेचे शिक्षक व शिक्षकेतर कर्मचारी तथा विद्यार्थ्यांनी उत्स्फूर्त सहभाग नोंदवला. कार्यक्रमाचे सुत्रसंचालन शिक्षिका श्रुती औंढेकर यांनी केले.
