वनामकृवितील सावित्रीबाई फुले मुलींचे वसतीगृहामध्‍ये जागतिक सुर्यनमस्‍कार दिन साजरा

वसंतराव नाईक मराठवाडा कृषि विद्यापीठातील सावित्रीबाई फुले मुलींचे वसतीगृहात रथसप्तमीचे औचित्य साधून दिनांक २८ जानेवारी रोजी जागतिक सूर्यनमस्कार दिन साजरा करण्यात आला. वसतिगृहातील विद्यार्थिनी विजया पवार हिने पुढाकार घेऊन सूर्यनमस्कार संचालन केले. कार्यक्रम यशस्वीतेसाठी विद्यार्थींनी दुर्गा, अनुराधा, शितल, मयुरी, दक्षता सिध्दी, समृद्धी यांनी प्रयत्न केले. सदर कार्यक्रम कृषि महाविद्यालयाचे प्राचार्य डॉ सय्यद इस्माईल, वसतिगृह मुख्य अधीक्षक डॉ राजेश कदम, वसतिगृह सहायक अधिक्षक डॉ गोदावरी पवार यांच्या मार्गदर्शनाखाली पार पडला.