जयपुर (राजस्थान) येथील जगन्नाथ विद्यापीठात दिनांक २७ जुन ते ३० जुन दरम्यान अखिल भारतीय वुडबॉल चॅम्पियनशीप (मुले) आंतर विद्यापीठ स्पर्धेचे आयोजन करण्यात आले होते. या स्पर्धेत वसंतराव नाईक मराठवाडा कृषि विद्यापीठाच्या संघाने वुडबॉल डबल इव्हेंट या प्रकारात रौप्य पदक पटकावले. या विजयी संघात श्री. जाधव सिध्देश्वर भानुदास व घोडके पवन मनोहर यांनी यश प्राप्त केले, या खेळाडुंना संघ व्यवस्थापक प्रा. डी. एफ. राठोड, प्रशिक्षक प्रा. संतोष वाघ यांचे मार्गदर्शन लाभले. यावेळी विजयी स्पर्धकांना कुलगुरू मा डॉ एच.एल. वर्मा, जयपुरचे आमदार मा श्री वेदप्रकाश सोळंकी, आयोजन समितीचे अध्यक्ष डॉ मयंक माथुर यांच्या हस्ते गौरविण्यात आले.
सदरिल यशाबाबत खेळांडुचे कुलगुरु मा डॉ. प्रमोद येवले, शिक्षण संचालक डॉ. धर्मराज गोखले, नाव्हा कृषि महाविद्यालयाचे प्राचार्य डॉ. व्ही. डी. पाटील, विद्यार्थी कल्याण अधिकारी डॉ. एस.एस. मोरे, क्रीडा अधिकारी डॉ. आशा देशमुख, क्रीडा अधिकारी प्रा. एस. यु. चव्हाण आदींनी खेळांडुचे, संघ व्यवस्थापक व प्रशिक्षक यांचे अभिनंदन केले.
