हरितक्रांतीचे प्रणेते माजी मुख्यमंत्री स्व. वसंतराव नाईक यांना वनामकृवित अभिवादन; कृषिदिन उत्साहात साजरा

 

वसंतराव नाईक मराठवाडा कृषि विद्यापीठात महाराष्ट्राचे माजी मुख्यमंत्री तथा हरितक्रांतीचे प्रणेते स्व. वसंतराव नाईक यांची जयंती दिनांक १ जुलै रोजी ‘कृषिदिन’ म्हणून साजरी करण्यात आली.

या प्रसंगी विद्यापीठातील स्व. वसंतराव नाईक यांच्या स्मारकास शिक्षण संचालक डॉ. भगवान आसेवार आणि विस्तार शिक्षण संचालक डॉ. राकेश आहिरे यांच्या हस्ते पुष्पपूजन करून विनम्र अभिवादन करण्यात आले.

यावेळी बोलताना शिक्षण संचालक डॉ. भगवान आसेवार म्हणाले की, स्व. वसंतराव नाईक यांनी आपल्या कार्यकाळात हरितक्रांतीला चालना देऊन महाराष्ट्रातील शेती व शेतकऱ्यांचे जीवनमान उंचावले. सिंचन, खते, बियाणे यांचा प्रसार करून कृषि उत्पादनात लक्षणीय वाढ घडवून आणली. त्यांनी १९७२ साली महाराष्ट्रात विभागनिहाय चार कृषि विद्यापीठांची स्थापना करून कृषि शिक्षणास मोठी चालना दिली.

विस्तार शिक्षण संचालक डॉ. राकेश आहिरे यांनी आपल्या मनोगतात सांगितले की, स्व. वसंतराव नाईक हे महाराष्ट्राचे सर्वाधिक काळ मुख्यमंत्री राहिले असून त्यांनी राज्याच्या सामाजिक व आर्थिक विकासासाठी अनेक दूरदृष्टीपूर्ण धोरणात्मक निर्णय घेतले. शेतकरी कल्याणकारी योजना, सहकारी संस्थांचा विकास तसेच कृषि आधारित उद्योगांना चालना दिली. त्यांनी ज्वार या पिकाच्या संशोधनात विशेष लक्ष दिले.

या कार्यक्रमास प्राचार्या डॉ. जया बंगाळे, प्राचार्य डॉ. राजेश क्षीरसागर, प्राचार्य डॉ राहुल रामटेके, प्राचार्य डॉ. प्रवीण वैद्य, विद्यार्थी कल्याण अधिकारी डॉ. राजेश कदम तसेच विद्यापीठातील विविध विभागांचे प्रमुख, अधिकारी, कर्मचारी आणि राष्ट्रीय सेवा योजनेतील रावे उपक्रमाचे विद्यार्थी मोठ्या संख्येने उपस्थित होते. कार्यक्रमाच्या निमित्ताने राष्ट्रीय सेवा योजना, कृषि महाविद्यालय परभणी यांच्या वतीने शिक्षण संचालक डॉ. भगवान आसेवार यांच्या हस्ते वृक्षारोपणही करण्यात आले.

सामुदायिक विज्ञान महाविद्यालयात हरितक्रांतीचे प्रणेते स्व. वसंतराव नाईक जयंती उत्साहात साजरी

 कृषिदिनाचे औचित्य साधून केले वृक्षारोपण

वसंतराव नाईक मराठवाडा कृषी विद्यापीठाच्या सामुदायिक विज्ञान महाविद्यालयात महाराष्ट्राचे माजी मुख्यमंत्री, हरितक्रांतीचे प्रणेते स्व. वसंतराव नाईक यांची जयंती दिनांक १ जुलै रोजी ‘कृषिदिन’ म्हणून उत्साहात साजरी करण्यात आली.

या प्रसंगी महाविद्यालयाच्या सभागृहात स्व. वसंतराव नाईक यांच्या प्रतिमेस सहयोगी अधिष्ठाता डॉ. जया बंगाळे यांच्या हस्ते पुष्पहार अर्पण करून विनम्र अभिवादन करण्यात आले. त्यांच्या कार्याचे स्मरण करताना राष्ट्रीय सेवा योजनेंतर्गत विद्यार्थीनी श्रावणी जाधव हिने वसंतराव नाईक यांचे कृषी क्षेत्रातील योगदान आणि दूरदृष्टीपूर्ण नेतृत्व यावर प्रकाश टाकला.

कार्यक्रमाच्या निमित्ताने महाविद्यालय परिसरात वृक्षारोपण उपक्रम राबविण्यात आला. पर्यावरण संवर्धनाचा संदेश देत जांभूळ, करंज आणि कडूनिंब यांसारख्या उपयुक्त वृक्षांची लागवड करण्यात आली.

यावेळी विभाग प्रमुख डॉ. नीता गायकवाड, डॉ. वीणा भालेराव, डॉ. शंकर पुरी तसेच महाविद्यालयातील सर्व प्राध्यापक, अधिकारी, कर्मचारी आणि विद्यार्थी मोठ्या संख्येने उपस्थित होते.

कृषि अभियांत्रिकी महाविद्यालयात कृषि दिना निमित्य वृक्षारोपण कार्यक्रम संपन्न…

 

वसंतराव नाईक मराठवाडा कृषि विद्यापीठ अंतर्गत असलेल्या परभणी येथील कृषि अभियांत्रिकी व तंत्रज्ञान महाविद्यालयात दिनांक १ जुलै रोजी स्व. वसंतराव नाईक जयंती निमित्ताने कृषि दिन साजरा करण्यात आला. कार्यक्रमाचे प्रमुख पाहुणे शिक्षण संचालक डॉ. भगवान आसेवार यांच्या हस्ते वृक्षारोपण करून कार्यक्रमाची सुरूवात करण्यात आली.

या प्रसंगी महाविद्यालयाचे सहयोगी अधिष्ठाता डॉ. राहूल रामटेके यांनी कृषि दिनाचे व वृक्षलागवडीचे महत्व या बाबत सविस्तर मार्गदर्शन केले. त्यांनी सांगितले की, आजच्या पर्यावरण संकटाच्या पार्श्वभूमीवर वृक्षलागवड ही केवळ एक औपचारिकता न राहता ती प्रत्येक व्यक्तीने स्वतःच्या जबाबदारीने पार पाडण्याची आवश्यकता आहे. 'वृक्षवल्ली आम्हा सोयरे, वनचरे’ या संत तुकारामांच्या ओळी आजही आपल्या दैनंदिन जीवनात प्रकर्षाने लागू करणे गरजेचे आहे असेही ते म्हणाले.

या कार्यक्रमास विभाग प्रमुख प्रा.विवेकानंद भोसले, डॉ. हरीश आवारी, डॉ. रघुनाथ जायभाये,  डॉ. गोपाल शिंदे, डॉ. पंडित मुंडे, डॉ. सुमंत जाधव, डॉ. संदीप पायाळ, डॉ. मधुकर मोरे, डॉ. रवींद्र शिंदे, डॉ. प्रमोदीनी मोरे, प्रा. दत्तात्रय पाटील, डॉ.विशाल इंगळे, इंजी. लक्ष्मीकांत राऊतमारे, इंजी. शिवणकर, डॉ. गजानन वसू, डॉ. अश्विनी गावंडे, डॉ. ओंकार गुप्ता, डॉ. अनिकेत वईकर, डॉ. शैलजा देशवेन्ना तसेच कर्मचारी, विद्यार्थी व राष्ट्रीय सेवा योजनेचे स्वयंसेवक मोठ्या संख्येने उपस्थित होते.

कार्यक्रमाचे प्रस्ताविक व सूत्रसंचालन राष्ट्रीय सेवा योजनेचे कार्यक्रम अधिकारी डॉ. सुभाष विखे यांनी केले, तर आभार प्रदर्शन डॉ. रवींद्र शिंदे यांनी केले.कार्यक्रम यशस्वी करण्यासाठी विद्यार्थी प्रतिनिधी समर्थ असुटकर, वरद बिनोरकर, करण खोमने, मधुरा बुचाले, कुनाल गडाख, सतेज मेटकर, किंजल मोरे तसेच मंचक डोबे, राजाराम वाघ, प्रमोद राठोड इत्यादींनी विशेष परिश्रम घेतले.

उद्यानविद्या महाविद्यालयाच्या विद्यार्थ्यांकडून टाकळगव्हाण येथे वृक्षारोपण

 

वसंतराव नाईक मराठवाडा कृषी विद्यापीठाच्या परभणी येथील उद्यानविद्या महाविद्यालयाच्या  'ग्रामीण जागरूकता कार्यानुभव कार्यक्रम' अंतर्गत महाविद्यालयातील विद्यार्थ्यांनी मौजे टाकळगव्हाण (ता. जि. परभणी) येथे हरित क्रांतीचे प्रणेते व माजी मुख्यमंत्री स्व. वसंतराव नाईक यांच्या जयंतीनिमित्त सोमवार, दि. १ जुलै रोजी वृक्षारोपण व कृषी विषयक जागरूकता कार्यक्रमाचे आयोजन करण्यात आले होते.

यावेळी टाकळगव्हाण येथील जिल्हा परिषद शाळेच्या परिसरात जांभुळ, सीताफळ, आंबा, कडुलिंब, चिकू, वड इत्यादी वृक्षांची लागवड करण्यात आली. यासोबतच गाव परिसरात कृषिकन्यांनी वृक्षदिंडी काढून पर्यावरण जागृतीचा संदेश दिला.

या उपक्रमासाठी महाविद्यालयाचे प्राध्यापक व प्रभारी अधिकारी मा. डॉ. व्ही. एस. खंदारे, कार्यक्रम समन्वयक डॉ. बी. एम. कलालबंडी, विशेषतज्ञ डॉ. एस. व्ही. चिकसे, कार्यक्रम अधिकारी डॉ. पी. एस. देशमुख व डॉ. ए. व्ही. सातपुते यांचे मोलाचे मार्गदर्शन व सहकार्य लाभले.

महाराष्ट्र कृषी दिनाचे औचित्य साधून घेण्यात आलेल्या या कार्यक्रमाला टाकळगव्हाणचे सरपंच श्री मंचकराव वाघ,  जिल्हा परिषद शाळेच्या मुख्याध्यापिका सौ. उषा उमरीकर तसेच शिक्षक वृंद यांची उपस्थिती लाभली.

कार्यक्रमाच्या यशस्वीतेसाठी कृषिकन्या प्राची, वैष्णवी, सरस्वती, किरण, रेखा, मोहिनी, मेहजबीन, रंजिता, शिल्पी, मयुरी तसेच कृषिदूत साईराज, राजरत्न, रितेश, अंकित, लाधेन्द्र, शुभम, अजिंक्य, मनोहर, राजेश, प्रथमेश, अर्जुन यांनी परिश्रम घेतले. या माध्यमातून शेतकरी बांधवांना तसेच शाळेतील विद्यार्थ्यांना कृषी शिक्षणातील शैक्षणिक अपरिचित गोष्टींची माहिती देण्यात आली.

कृषि दिनानिमित्त वनामकृविच्या मृद विज्ञान विभागात वृक्षारोपणाचा उपक्रम

 

महाराष्ट्राचे माजी मुख्यमंत्री आणि हरित क्रांतीचे प्रणेते स्वर्गीय वसंतराव नाईक यांच्या जयंतीनिमित्त राज्यभर 'कृषि दिन' साजरा करण्यात येतो. या निमित्ताने वसंतराव नाईक मराठवाडा कृषि विद्यापीठातील मृद विज्ञान विभागाच्या प्रक्षेत्र परिसरात वृक्षारोपण कार्यक्रमाचे आयोजन करण्यात आले.

या कार्यक्रमात नारळ, जांभूळ, चिकू आदी फळझाडांची लागवड विद्यापीठाचे शिक्षण संचालक डॉ. भगवान आसेवार, विस्तार शिक्षण संचालक डॉ. राकेश अहिरे आणि सहयोगी अधिष्ठाता डॉ. प्रवीण वैद्य यांच्या शुभहस्ते करण्यात आली. हा उपक्रम मृद विज्ञान विभागाचे विभाग प्रमुख डॉ. हरिहर कौसडीकर यांच्या संकल्पनेतून राबविण्यात आला.

कार्यक्रमात हवामान शास्त्र विभागाचे विभाग प्रमुख श्री. एम. जी. जाधव, कीटकशास्त्र विभागाचे प्रमुख डॉ. पी. एस. नेहरकर, मृद विज्ञान विभागाचे प्राध्यापक डॉ. सुरेश वाईकर, डॉ. संतोष पिल्लेवाड, डॉ. संतोष चिक्षे, डॉ. पपीता गौरखेडे, डॉ. स्वाती झाडे, डॉ. शिलेवांत तसेच विभागातील पदव्युत्तर व आचार्य पदवीचे विद्यार्थी आणि कर्मचारी मोठ्या संख्येने उपस्थित होते.

या उपक्रमाच्या माध्यमातून पर्यावरण संवर्धनाबरोबरच विद्यार्थ्यांमध्ये निसर्गाविषयी जागरूकता निर्माण करणे, हे उद्दिष्ट ठेवण्यात आले होते. उपस्थित सर्वांनी वृक्षारोपणाचे महत्त्व अधोरेखित केले आणि पुढील काळातही असे उपक्रम राबवण्याचा संकल्प व्यक्त केला.