वसंतराव नाईक मराठवाडा कृषि विद्यापीठ, परभणीच्या सुवर्ण जयंती महोत्सवाचे औचित्य साधून भारतीय कृषि अनुसंधान परिषदेच्या मानव विकास अनुसूचित जाती (उपयोजना) अंतर्गत उद्यानविद्या महाविद्यालयाच्या वतीने विद्यार्थ्यांसाठी दिनांक १० ते १६ मार्च दरम्यान संभाषण कौशल्य व व्यक्तिमत्व विकास कार्यशाळेचे आयोजन करण्यात आले होते. कार्यशाळेचे उदघाटन कुलगुरू मा डॉ. अशोक ढवण यांचे हस्ते झाले. याप्रसंगी प्राचार्य डॉ गिरिधारी वाघमारे, डॉ धनाजी आर्या, प्रा कुशल राऊत आदींची प्रमुख उपस्थिती होती. कार्यशाळेत ‘संभाषण कौशल्य’ या विषयावर अंबाजोगाई येथील स्वामी रामानंद तीर्थ महाविद्यालयाचे डॉ. धनाजी आर्या तर ‘व्यक्तिमत्व विकास’ यावर कम्युनिकेयर ट्रेनिंग आणि कन्टेट सोल्युशन्स चे संचालक श्री. कुशल राऊत यांनी मार्गदर्शन केले. कार्यशाळेची सांगता दिनांक १६ मार्च रोजी प्राचार्य डॉ. गिरिधारी वाघमारे यांच्या अध्यक्षतेखाली झाली. यावेळी प्रमुख पाहुणे म्हणुन डॉ. शिवाजी शिंदे होते. सूत्रसंचालन डॉ. अंशुल लोहकरे यांनी केले. कार्यक्रम यशस्वीतेसाठी प्राचार्य डॉ. गिरिधारी वाघमारे यांच्या मार्गदर्शनाखाली जिमखाना उपाध्यक्ष डॉ. वैशाली भगत, डॉ. अंशुल लोहकरे, डॉ. श्रुती वानखेडे आदीसह महाविद्यालयातील प्राध्यापक व कर्मचारी यांनी परिश्रम घेतले. सदरील कार्यशाळेस महाविद्यालयातील चारही वर्षाच्या विद्यार्थ्यांनी लाभ घेतला.
